తెలుగుదేశం అధినేత చంద్రబాబు ఏపీకి పెట్టుబడులు తెచ్చేందుకు విశ్వప్రయత్నాలు చేస్తున్నారు. గతంలో ఆటోమొబైల్ తయారీదారు కియా ఆంధ్రప్రదేశ్‌లో తన ప్లాంట్‌ను స్థాపించేందుకు బాబు కృషి చేశారు. ఈసారి టెక్ దిగ్గజం యూట్యూబ్‌తో చర్చలు ప్రారంభించారు బాబు.
ఇందులో భాగంగా యూట్యూబ్, గూగుల్ హెడ్స్‌తో వర్చువల్ ఇంటరాక్షన్‌ చేశారు. యూట్యూబ్ గ్లోబల్ సీఈవో నీల్ మోహన్, గూగుల్ ఏపీఏసీ హెడ్ సంజయ్ గుప్తాతో సమావేశం అయ్యారు. ఏఐ, కంటెంట్ డెవలప్‌మెంట్, స్కిల్ డెవలప్‌మెంట్, సర్టిఫికేషన్ ప్రోగ్రామ్‌లను ప్రోత్సహించడానికి స్థానిక భాగస్వాముల సహకారంతో ఆంధ్రప్రదేశ్‌లో యూట్యూబ్ అకాడమీని ఏర్పాటు చేయడం గురించి చంద్రబాబు చర్చించినట్లు ప్రకటించారు.
ఏపీలో యూట్యూబ్ అకాడమీని ఏర్పాటు చేసేందుకు బాబు పక్కా ప్లాన్ చేస్తున్నట్లు తెలుస్తోంది. యూట్యూబ్‌ని ఆంధ్రప్రదేశ్‌కి తెస్తే యూట్యూబ్ కంటెంట్ సృష్టిలో ఏపీ అగ్రగామిగా ఉంటుంది. యూట్యూబ్ టెక్ దిగ్గజం వాస్తవానికి ఏపీలో అకాడమీని ఏర్పాటు చేస్తే, అది రాష్ట్రాన్ని గ్లోబల్ మ్యాప్‌లో ఉంచుతుంది.