పోలీసు డిపార్ట్‌మెంట్‌లో పని చేస్తున్న ఓ కీచక కానిస్టేబుల్ నడిపిన వ్యవహారం విజయవాడలో కలకలం రేపింది. ఎ.ఆర్‌. కానిస్టేబుల్‌గా విధులు నిర్వహిస్తున్న చంద్ర శివ మణికాంత్ లీలలు వెలుగులోకి వచ్చాయి.
వరుసకు మరదలు అయిన ఓ వివాహితను వేధిస్తున్నట్లు పెనమలూరు పోలీస్‌ స్టేషన్‌లో కేసు నమోదైంది. మణికాంత్ ప్రస్తుతం విజయవాడ డీసీపీ అప్పలనాయుడు దగ్గర గన్‌మెన్‌గా విధులు నిర్వహిస్తున్నాడు.
పెనమలూరులోని ఓ ప్రైవేట్ బ్యాంక్‌లో అసిస్టెంట్‌ బ్యాంక్‌ మేనేజర్‌గా పని చేస్తున్న మహిళను ఈ కానిస్టేబుల్ గత కొంతకాలంగా వేధిస్తున్నట్టు ఫిర్యాదు అందింది.
మణికాంత్ తన దగ్గర ఉన్న కొందరు బాధిత మహిళల న్యూడ్ ఫోటోలను వివాహితకు పంపించి.. తాను చెప్పినట్టుగా చేయాలని బెదిరిస్తూ తన కోరిక తీర్చాలని వేధిస్తున్నాడని ఆమె ఫిర్యాదులో పేర్కొంది.
గతంలోనే ఆమె స్థానిక పోలీసులకు ఈ విషయాన్ని ఫిర్యాదు చేసినప్పటికీ, డిపార్ట్‌మెంట్ పరువు పోతుందని వారు గోప్యంగా ఉంచారు. ఇప్పుడు సదరు బాధిత మహిళ కమిషనర్‌ ద్వారక తిరుమలరావుకు నేరుగా ఫిర్యాదు చేయడంతో అసలు విషయం వెలుగులోకి వచ్చింది.