జిల్లా కేంద్రమైన నెల్లూరులో వరుసకు తండ్రి అయ్యే వ్యక్తి కామాంధుడిగా మారిపోయాడు. ఆ యువతి గర్భందాల్చినా వదిలిపెట్టలేదు. శారీరకంగా హింసించడమేకాకుండా అత్యాచారం జరిపాడు. తాజాగా వెలుగులోకి వచ్చిన ఈ వివరాలను పరిశీలిస్తే,
నెల్లూరు పట్టణానికి చెందిన ఓ మహిళ ఓ బిడ్డ పుట్టిన తర్వాత భర్తను విడిచి కావలికి చెందిన ఓ వ్యక్తితో వెళ్లిపోయింది. అతనితో సహజీవనం చేస్తూ వచ్చింది. తన కుమార్తె పెరిగి పెద్దదైంది. ఈ క్రమంలో ఆ వ్యక్తి చూపులు ఆమె కూతురుపై పడ్డాయి. పెద్ద మనిషి అయిన కొన్నాళ్లకే ఆ యువతిని శారీరకంగా హింసించడం మొదలుపెట్టాడు.
భార్యలేని సమయంలో బలవంతంగా లొంగదీసుకుని అత్యాచారం చేశాడు. ఫలితంగా ఆ యువతి గర్భందాల్చింది. ఈ విషయం బయటకు పొక్కకుండా ఉండేందుకు మాత్రలు మింగించి గర్భాన్ని కూడా తీయించాడు. పైగా, ఈ విషయాలు బయటకు చెబితే యువతితో పాటు ఆమె తల్లిని కూడా చంపేస్తానని బెదిరిస్తూ వచ్చాడు.
ఈపరిస్థితుల్లో ఆ కామాంధుడి వేధింపులు భరించలేకపోయింది. దీంతో అతని నుంచి తప్పించుకొని బయటకు వెళ్లిపోయింది. అయితే, తన పలుకుబడిని ఉపయోగించి ఆ యువతిని గాలించి పట్టుకున్నాడు. ఆ తర్వాత ఇంటికి తీసుకెళ్లి రాడ్లతో కొట్టి హింసించాడు. ఈ విషయం కన్నతల్లికి చెప్పి బోరున విలపించింది.
తల్లి తాను సహజీవనం చేస్తున్న వ్యక్తిని కుమార్తె విషయంపై ప్రశ్నించింది. అతడు ఆ ఇద్దరిని గృహనిర్భంధం చేశాడు. అయితే ఈ నెల 18వ తేదీన తల్లీకూతుళ్లు ఆ ఇంటి నుంచి తప్పించుకొని ఆత్మహత్యకు ప్రయత్నించారు. ధైర్యం చాలక ఎస్పీ గ్రీవెన్స్‌కు వచ్చి ఫిర్యాదు చేశారు. తండ్రిగాని తండ్రి అయిన వ్యక్తిపై కఠిన చర్యలు తీసుకొని తనకు రక్షణ కల్పించాలని ఆ యువతి గ్రీవెన్స్‌ అధికారులను వేడుకొంది.