సెప్టెంబరు 30 నుండి శ్రీవారి వార్షిక బ్రహ్మోత్సవాలు

తిరుమల శ్రీవారి ఆలయంలో సెప్టెంబరు 30 నుండి అక్టోబ‌రు 8 తేదీ వరకు శ్రీవారి వార్షిక బ్రహ్మోత్సవాలు వైభ‌వంగా జరుగనున్నాయి. ఇందులో భాగంగా ఉదయం 9.00 నుండి 11.00 గంటల వరకు, రాత్రి 8.00 నుండి 10.00 గంటల వరకు స్వామివారు వివిద‌ వాహనాల‌పై తిరుమాడ వీధుల‌లో ఊరేగి భ‌క్తుల‌కు ద‌ర్శ‌నం ఇస్తారు. ఈ ఏడాది బ్రహ్మోత్సవాలను పురస్కరించుకుని సెప్టెంబరు 24న కోయిల్‌ ఆళ్వార్‌ తిరుమంజనం, సెప్టెంబరు 29న అంకురార్పణం నిర్వహిస్తారు.

వాహనసేవల వివరాలు... 

30-09-2019 - ధ్వజారోహణం, పెద్దశేషవాహనం.

01-10-2019 - చిన్నశేష వాహనం, హంస వాహనం.

02-10-2019 - సింహ వాహనం, ముత్యపుపందిరి వాహనం.

03-10-2019 - కల్పవృక్ష వాహనం, స‌ర్వభూపాల వాహనం.

04-10-2019 - మోహినీ అవతారం, గరుడ వాహనం (రా.7 నుండి 12 వరకు)

05-10-2019 - హనుమంత వాహనం, స్వర్ణరథం (సా.4 నుండి 6 వరకు), గజవాహనం

06-10-2019 - సూర్యప్రభ వాహనం, చంద్రప్రభ వాహనం.

07-10-2019 - రథోత్సవం, అశ్వ వాహనం (ఉ.7.00 గంటలకు)   

08-10-2019 - చక్రస్నానం, ధ్వజావరోహణం.