హైదరాబాదులో భారీ సెక్స్ రాకెట్.. ముంబై నుంచి యువతులను?

హైదరాబాదులో భారీ సెక్స్ రాకెట్ గుట్టు రట్టు అయ్యింది. నిర్వాహకుడితో పాటు ఆరుగురు యువతులు, నలుగురు విటులను పోలీసులను అరెస్టు చేశారు. ముంబై నుంచి యువతులను రప్పించి, వారితో వ్యభిచారం నడిపిస్తున్న ముఠాను పోలీసులు ఛేదించారు. ఈ ఘటన రాజేంద్రనగర్ పోలీస్ స్టేషన్ పరిధిలో చోటుచేసుకుంది. 

వివరాల్లోకి వెళితే.. రాజస్థాన్‌‌కు చెందిన దీపక్‌ అనే వ్యక్తి.. కాటేదాన్‌లో నివాసం ఉంటున్నాడు. ఉప్పర్‌పల్లి ప్రాంతంలోని సన్‌రైజ్‌ కాలనీలో ఓ ఇంటిని అద్దెకు తీసుకుని, ముంబై నుంచి అందమైన యువతులను రప్పించి వ్యభిచార దందా నిర్వహిస్తున్నాడు. 

ఇతనిపై నిఘా పెట్టిన పోలీసులు.. పక్కా సమాచారంతో ఆదివారం రాత్రి ఆ ఇంటిపై దాడి చేశారు. ఈ దాడిలో ఆరుగురు యువతులు, నలుగురు విటులు, దీపక్ సహా మరో వ్యక్తి పట్టుబడ్డాడు. వీరివద్ద పోలీసులు విచారణ జరుపుతున్నారు.