తెలుగు దేశం పార్టీకి మరో ఎదురుదెబ్బ తగిలింది. ఆ పార్టీకి చెందిన మాజీ ఎమ్మెల్యే శోభా హైమావతి పార్టీకి రాజీనామా చేశారు. విశాఖపట్నం జిల్లా ఎస్.కోట నియోజకవర్గం నుంచి గతంలో ఆమె ఎమ్మెల్యేగా గెలుపొందారు.
అయితే, గత కొంతకాలంగా తనకు పార్టీలో తగిన గుర్తింపు లభించడం లేదనే ఆవేదనతో పార్టీని వీడుతున్నట్టు తెలిపారు. పైగా, ఈమె తెదేపా మహిళా విభాగం రాష్ట్ర అధ్యక్షురాలిగా కూడా ఆమె పని చేశారు.
మరోవైపు ఆమె వైసీపీలో చేరబోతున్నారనే ప్రచారం సాగుతోంది. ఈ ప్రచారంపై ఆమె స్పందించలేదు. అలాగనీ ఖండించనూ లేదు. దీంతో ఆమె వైకాపా కండువా కప్పుకోవడం ఖాయమనే వార్తలు వినిపిస్తున్నాయి.
ఇదిలావుంటే, గత ఎన్నికల తర్వాత ఏపీలో టీడీపీ నుంచి గెలిచిన ముగ్గురు ఎమ్మెల్యేలు వైసీపీకి మద్దతుదారులుగా వ్యవహరిస్తున్నారు. పలువురు నేతలు వైసీపీ కండువా కప్పుకున్నారు. తెలంగాణలో కూడా పార్టీకి ఇటీవలే పెద్ద ఎదురుదెబ్బ తగిలింది. టీటీడీపీ అధ్యక్షుడు ఎల్.రమణ అధికార తెరాసలో చేరిన విషయం తెల్సిందే.