బంజారాహిల్స్‌లో వ్యభిచార దందా.. స్పా ముసుగులో ఆ పని కానిచ్చేస్తున్నారు..

హైదరాబాదులో వ్యభిచార దందా గుట్టును పోలీసులు రట్టు చేశారు. స్పా సెంటర్ ముసుగులో వ్యభిచారం చేయిస్తున్నారని పోలీసులకు ఫిర్యాదు అందడంతో పోలీసులు రంగంలోకి దిగడంతో అసలు బాగోతం బయటికి వచ్చింది.

హైదరాబాదులో వ్యభిచార దందా గుట్టును పోలీసులు రట్టు చేశారు. స్పా సెంటర్ ముసుగులో వ్యభిచారం చేయిస్తున్నారని పోలీసులకు ఫిర్యాదు అందడంతో పోలీసులు రంగంలోకి దిగడంతో అసలు బాగోతం బయటికి వచ్చింది. స్పా సెంటర్ ముసుగులో యధేచ్ఛగా వ్యభిచార దందాను నడుపుతున్నట్లు పోలీసులు కనుగొన్నారు. 

వివరాల్లోకి వెళితే.. హైదరాబాద్ బంజారాహిల్స్‌లో స్టూడియో మేకర్స్ స్పా సెంటర్‌లో గత కొంతకాలంగా అసాంఘిక కార్యకలాపాలు జరుగుతున్నాయని, బయటి నుంచి అమ్మాయిలను తెచ్చి, వారితో క్రాస్ మసాజ్, వ్యభిచారం చేయిస్తున్నారని ఫిర్యాదులు అందాయి. దీంతో పోలీసులు స్పాపై దాడికి దిగారు.

ఈ దాడిలో స్పా సెంటర్లో ఆరుగురు సిబ్బంది, ముగ్గురు యువతులు పట్టుబడ్డారు. పట్టుబడిన యువతులను రెస్క్యూ హోమ్‌కు తరలించామని, పరారీలో ఉన్న స్పా సెంటర్ యజమాని సతీష్ కోసం గాలిస్తున్నామని తెలిపారు. ఇంకా స్పాను సీజ్ చేసినట్లు పోలీసులు వెల్లడించారు.