పవర్ స్టార్ పవన్ కళ్యాణ్ కరోనా వైరస్ నుంచి కోలుకున్నారు. ఆయనకు తాజాగా నిర్వహిచిన కరోనా నిర్ధారణ పరీక్షల్లో నెగెటివ్ ఫలితం వచ్చినట్టు సమాచారం. అయినప్పటికీ... వైద్యుల సూచన మేరకు మరో వారం పది రోజుల పాటు తన వ్యవసాయ క్షేత్రంలోనే హోం క్వారంటైన్‌లో ఉండనున్నారు.
కాగా, ఇటీవల పవన్ కళ్యాణ్‌కు కరోనా వైరస్ సోకిన విషయం తెల్సిందే. పవన్ కళ్యాణ్ కోవిడ్ బారినపడ్డారనే వార్త బయటకు రాగానే ఆయన అభిమానులతో పాటు సినీ ప్రముఖులు పవన్ కళ్యాణ్ త్వరగా కోలుకోవాలంటూ సోషల్ మీడియాలో పెద్ద ఎత్తున పోస్టులు చేశారు. కొంతమంది అభిమానులు, జన సైనికులు సైతం పూజలు నిర్వహించారు.
పవన్ ఆరోగ్యం బావుండాలని.. త్వరగా కరోనా నుంచి కోలుకోవాలని ప్రార్ధించారు. వారందరి పూజలు ఫలించాయి. తాజాగా నిర్వహించిన పరీక్షల్లో పవన్ కళ్యాణ్‌కు నెగిటివ్‌గా నిర్దారణ అయిన‌ట్లు టాక్ వినిపిస్తోంది.
హైదరాబాద్‌లోని ట్రినిటీ ఆసుపత్రిలో పవన్ కోవిడ్ పరీక్ష చేయించుకున్నారు. పవన్‌కు కరోనా లక్షణాలు చాలా స్వల్పంగానే ఉండటంతో... ఆయన త్వరగానే కోలుకున్నారని సమాచారం. అయితే ఈ విషయంలో ఆసుపత్రి వైద్యులు గాని, జనసేన వర్గాలుగాని ఇంకా అధికారికంగా వెల్లడించలేదు.