భార్యకు విడాకులిచ్చాడు.. ప్రేమ చంపుకోలేక కిడ్నాప్ చేసిన భర్త....

కుటుంబ మనస్పర్థల కారణంగా కట్టుకున్న భార్యకు ఓ భర్త విడాకులిచ్చాడు. అయితే, ఆమెపై ప్రేమ మాత్రం చనిపోలేదు. దీంతో విడాకులు ఇచ్చిన బార్యను కిడ్నాప్ చేసేందుకు భర్త యత్నించాడు. ఈ కిడ్నాప్‌ ప్రయత్నంలో భాగంగా ఆమెపై దాడికూడా చేశాడు. ఈ ఘటన హైదరాబాద్ నగరంలోని జూబ్లీహిల్స్‌లో జరిగింది.

తాజాగా వెలుగులోకి వచ్చిన ఈ వివరాలను పరిశీలిస్తే, జూబ్లీహిల్స్‌లో నివాసముండే ఓ మహిళ కొద్ది కాలం క్రితం చావ వినయ్‌ చౌదరిని వివాహం చేసుకుంది. కొద్దిరోజుల తర్వాత భార్యాభర్తల మధ్య మనస్పర్థలు తలెత్తాయి. భర్త గృహహింస పెడుతుండడంతో ఆమె పుట్టింటికి వెళ్లిపోయింది. ఆ తర్వాత వారిద్దరూ సమ్మతించి విడుకాలు తీసుకున్నారు. 

కానీ, భార్యపై భర్తకు ప్రేమ తగ్గలేదు. దీంతో ఈ నెల 18న వినయ్‌ ఆమె ఇంట్లోకి ప్రవేశించి కిడ్నాప్‌ చేసేందుకు ప్రయత్నించాడు. బాధితురాలు ప్రతిఘటించడంతో దాడి చేసి బెదిరింపులకు పాల్పడ్డాడు. స్థానికులు వినయ్‌ను అడ్డుకొని జూబ్లీహిల్స్‌ పోలీసులకు సమాచారం ఇచ్చారు. పోలీసులు అతడిపై ఐపీసీ 448,354,427,506 సెక్షన్‌ కింద కేసు నమోదు చేసి దర్యాప్తు చేస్తున్నారు.