మీసం తిప్పిన ఆ అనంత పోలీస్... అర్థరాత్రి సెల్యూట్ కొట్టారు... ఎందుకో తెలుసా?

ఒక్కోసారి సాధారణంగా మనం పనిచేసే వృత్తిని వదిలి వేరే వృత్తిని ఎంచుకుంటుంటాం. మనకు బాగా ఇష్టమైన వృత్తి అయితే అందులోనే ఉండిపోతాం. మనకు పేరు తెచ్చిపెట్టి, ఒక స్టేజ్‌కు తీసుకెళితే ఇక చెప్పలేము. ప్రతి ఒక్కరిలో అహం అనేది ఉంటుంది. కొందరు అది ఉన్నా వాటిని పక్కనబెట్టి సాదాసీదా వ్యక్తులలా ఉండిపోతారు.

అలాంటి వ్యక్తుల్లో అనంతపురం జిల్లాకు చెందిన మాజీ పోలీసు అధికారి, ప్రస్తుత ఎంపి గోరంట్ల మాధవ్ కూడా ఉన్నారు. అప్పట్లో పోలీసులను తీవ్రస్థాయిలో దూషించిన టిడిపి ఎంపి జె.సి.దివాకర్ రెడ్డిపైనే విమర్శలు చేసి మీసం తిప్పి తొడకొట్టారు గోరంట్ల మాధవ్. అంతేకాదు రాజకీయాల్లోకి వెళ్ళాలని నిర్ణయించుకుని ఏకంగా తన ఉద్యోగానికి రాజీనామా చేసి వైసిపిలో చేరారు. ఆ పార్టీలో చేరి అనంతపురం జిల్లాలో ఎంపి సీటును సంపాదించుకుని పోటీ చేశారు.

పోటీ చేయడమే కాదు ప్రత్యర్థిపై భారీ మెజారిటీని సాధించారు. అర్థరాత్రి వరకు ఈ ఎన్నికలు జరిగితే చివరకు ఫలితాలు ఉదయానికి వచ్చాయి. గోరంట్ల మాధవ్ గెలిచాడని ఎన్నికల అధికారులు ప్రకటించారు. దీంతో పోలింగ్ బూత్ లో పనిచేస్తున్న పోలీసులు గోరంట్ల మాధవ్ కు సెల్యూట్ చేశారు. అయితే తాను ఎంపి అయ్యాయన్న విషయాన్ని పక్కనబెట్టి సెల్యూట్ చేసిన వారికందరికీ ప్రతిగా సెల్యూట్ చేశారు గోరంట్ల మాధవ్.