ఏపీలోని ప్రేమోన్మాది రెచ్చిపోయాడు. ఏపీలోని నెల్లూరు జిల్లాలో దారుణం చోటుచేసుకుంది. వెంకటగిరిలోని కాలేజీ మిట్ట వద్ద ఓ ప్రేమోన్మాది ఇంటర్‌ విద్యార్థిని గొంతు కోశాడు. తనను ప్రేమించడం లేదన్న కక్షతోనే ఈ ఘాతుకానికి పాల్పడినట్లు తెలుస్తోంది.
వివరాల్లోకి వెళితే.. నెల్లూరు జిల్లాకు చెందిన చెంచు కృష్ణ అనే యువకుడు గత కొన్ని రోజులుగా చిగురుపాటి జ్యోతిక(18)ను ప్రేమిస్తున్నానంటూ వెంటపడుతున్నాడు. ప్రేమించాలని వెంటపడేవాడు. అయితే జ్యోతిక మాత్రం నిరాకరిస్తూ వస్తోంది.
కాగా తన ప్రేమను ఒప్పుకోవడం లేదన్న కారణంతో జ్యోతికపై కక్ష పెంచుకున్నాడు కృష్ణ. ఇవాళ ఫుల్లుగా మద్యం సేవించి విద్యార్థినిపై కత్తితో దాడికి పాల్పడ్డాడు.
ఈ దాడిలో తీవ్రంగా గాయపడిన జ్యోతికను నెల్లూరు జిల్లా ప్రభుత్వం ఆస్పత్రికి తరలించారు. ప్రస్తుతం ఆమె పరిస్థితి విషమంగా ఉందని తెలుస్తోంది. నిందితుడిని పోలీసులు అదుపులోకి తీసుకున్నారు. కేసు నమోదు చేసుకున్న పోలీసులు దర్యాప్తు కొనసాగిస్తున్నారు.