స్కిల్ డెవలప్‌మెంట్ కేసులో టీడీపీ అధినేత, ఆంధ్రప్రదేశ్ మాజీ ముఖ్యమంత్రి నారా చంద్రబాబు నాయుడు అరెస్ట్ కావడం తెలుగు రాష్ట్రాల్లో సంచలనం సృష్టించింది. శనివారం తెల్లవారుజామున అరెస్ట్ అయిన బాబు ప్రస్తుతం విజయవాడలోని ఏసీబీ కోర్టులో ఉన్నారు. రిమాండ్‌ను తిరస్కరించాలని చంద్రబాబు తరపు న్యాయవాదులు వాదించగా, 15 రోజుల పాటు కస్టడీకి అనుమతించాలని సీఐడీ తరపు న్యాయవాదులు డిమాండ్ చేస్తున్నారు.
ఇరువర్గాల మధ్య వాదనలు కొనసాగుతున్నాయి. ఈ కేసులో సీఐడీ కోర్టుకు సమర్పించిన రిమాండ్ రిపోర్టులో నారా లోకేష్, ఏపీ టీడీపీ అధ్యక్షుడు కె. అచ్చెన్నాయుడు పేర్లను కూడా చేర్చారు. చంద్రబాబు సన్నిహితుడు కిలారు రాజేష్ ద్వారా నారా లోకేశ్‌కు డబ్బులు అందాయని సీఐడీ రిమాండ్ రిపోర్టులో పేర్కొంది.
ఈ కేసులో చంద్రబాబు స్వయంగా విజయవాడ ఏసీబీ కోర్టు ముందు తన వాదనలు వినిపించారు. దాంతో తీర్పుపై సర్వత్రా ఉత్కంఠ నెలకొంది.