డాక్టరుగా మారిన ఎమ్మెల్యే ఆర్కే.రోజా!

సినీ నటి, అధికార వైకాపాకు చెందిన నగరి ఎమ్మెల్యే ఆర్కే.రోజా డాక్టరయ్యారు. చేతిలో స్టెతస్కోప్ పెట్టుకుని పలువురు చిన్నారులను పరీక్షించారు. ఆ తర్వాత తనకు డాక్టర్ అవ్వాలన్న కోరిక ఈ విధంగా తీర్చుకున్నట్టు సరదాగా వ్యాఖ్యానించారు. 

ఆమె ఆదివారం పుత్తూరు మున్సిపాలిటీ పరిధిలోని పలు ప్రాంతాల్లో పర్యటించారు. ఈ సందర్బంగా మెడలో స్టెతస్కోప్ వేసుకుని పలువురు చిన్నారులకు వైద్య పరీక్షలు నిర్వహించారు. బీపీ నార్మల్, షుగర్ నార్మల్ అంటూ చెప్పారు. ప్రతి ఒక్కరూ ఆరోగ్యంగా ఉండేందుకు ఆరోగ్యంపై ప్రత్యేక శ్రద్ధ చూపించాలని కోరారు. 

ఈ సందర్భంగా ఆమె మాట్లాడుతూ, తనకు చిన్నవయసులో డాక్టర్ కావాలన్న కోరిక బలంగా ఉండేదన్నారు. కానీ, డాక్టర్ కాలేక యాక్టర్‌ను అయినట్టు చెప్పారు. తిరుపతిలోని పద్మావతి ఉమెన్స్ కాలేజీలో బైపీసీ స్టూడెంట్‌గా తాను పాస్ అయినట్టు చెప్పారు. ఆ తర్వాత వైద్య సీటు కోసం ప్రవేశ పరీక్ష కూడా రాశానని, కానీ తనకు సినిమాల్లో అవకాశం రావడంతో అన్నీ వదిలేసి ఈ సినిమా రంగంలోకి వెళ్లినట్టు చెప్పారు.