కళ్యాణమస్తుకు ముహూర్తం ఎప్పుడో?.. తేలేది నేడే

దేశవ్యాప్తంగా కల్యాణమస్తు నిర్వహించాలని నిర్ణయించిన టీటీడీ ఆ కార్యక్రమానికి సంబంధించిన ముహుర్తాలను బుధవారం తిరుమలలోని నాదనీరాజనం వేదికపై ఖరారు చేయనుంది.

ఉదయం 9.30 గంటలకు టీటీడీ పండితులు సమావేశమై కల్యాణమస్తు కార్యక్రమానికి సంబంధించిన ముహూర్తాలను నిర్ణయించి లగ్నపత్రిక రాయనున్నారు. లగ్నపత్రికను శ్రీవారిపాదాల చెంత ఉంచి కల్యాణమస్తు కార్యక్రమానికి శ్రీకారం చుట్టనున్నారు.

పేద కుంటుంబాల ఆర్థిక ఇబ్బందులను దృష్టిలో పెట్టుకుని అలాంటి వారికి శ్రీవారి ఆశీస్సులతో వివాహాలు జరిపించేందుకు టీటీడీ దేశవ్యాప్తంగా ముఖ్య పట్టణాల్లో కల్యాణమస్తు నిర్వహించాలని నిర్ణయించింది.

ఇందులో భాగంగా వివాహం చేసుకునే జంటకు పట్టు వస్ర్తాలు, మంగళసూత్రాలతో పాటు వివాహ భోజనం కూడా ఉచితంగా ఏర్పాటు చేయనున్నారు.