ఇప్పటంకు ఆలివ్ గ్రీన్ టీషర్టు ధరించ రావడం వెనుక కారణం ఏంటి?

గుంటూరు జిల్లా ఇప్పటం గ్రామానికి జనసేన పార్టీ అధినేత పవన్ కళ్యాణ్ ఇటీవల పర్యటించారు. ఈ పర్యటనను అడ్డుకునేందుకు పోలీసులు ఎన్నో ప్రతిబంధకాలు సృష్టించారు. అయినప్పటికీ ఆయన ఎక్కడా వెనక్కి తగ్గలేదు. కొంతదూరం కాలినడకన, మరికొంతదూరం కారులో ప్రయాణించి ఇప్పటం గ్రామస్థులను కూల్చివేశారు. అయితే, ఈ పర్యటనలో పవన్ కళ్యాణ్ ఆలివ్ గ్రీన్ టీషర్టు, జీన్స్ ఫ్యాంటు ధరించి వచ్చారు. 

ఇప్పటం గ్రామంలో రోడ్డు విస్తరణ చర్యల్లో భాగంగా జనసేనకు మద్దతుగా నిలిచిన వారి గృహాలను అధికారులు కూల్చివేశారు. ఈ నేపథ్యంలో బాధితులను పరామర్శించి, వారికి అండగా ఉండేందుకు వీలుగా ఆయన ఆ గ్రామంలో పర్యటించారు. ఆ సమయంలో ఆయన ఆర్మీ స్టైల్‌లో ఆలివ్ గ్రీన్ హుండీ టీషర్టు, బ్లూ జీన్స్, షూ ధరించి ఇప్పటం గ్రామానికి వచ్చారు. 

అయితే, ఈ తరహా దుస్తులు ధరించి రావడానికి ప్రత్యేక కారణం ఉందని జనసేన పార్టీ వివరించింది. గూండాగిరి ప్రభుత్వంపై పోరాటానికి సూచికంగానే పవన్ మిలిటరీ ఆలివ్ గ్రీన్ టీషర్టు ధరించారని తెలిపింది. ఈ పోరాటంలో జనసేన ఓ సైనికుడిగా యుద్ధం చేసేందుకు సిద్ధమయ్యారని వివరించింది. ఇది సమాజాన్ని వచ్ఛిన్నం చేస్తున్న రౌడీ రాజకీయాలపై పోరాటం అని, ప్రజలను దోచుకుతింటూ, వారిని రోడ్డున పడేస్తున్న అవినీతి నాయకులపై పోరాటం అని జనసేన ఓ ప్రకటనలో పేర్కొంది.