సిరినగరిలో హైటెక్ వ్యభిచారం... విటులకు వాట్సప్‌లో వల

కడప జిల్లాలోని ప్రొద్దుటూరు, సిరినగరిలో హైటెక్ వ్యభిచారం జోరుగా సాగుతోంది. ఇక్కడకు విటులను రప్పించేందుకు వాట్సాప్‌ సందేశాల ద్వారా గాలం వేస్తున్నారు. తాజాగా వెలుగులోకి వచ్చిన ఈ వివరాలను పరిశీలిస్తే,

కడప జిల్లాలోని ప్రొద్దుటూరు, సిరినగరిలో హైటెక్ వ్యభిచారం జోరుగా సాగుతోంది. ఇక్కడకు విటులను రప్పించేందుకు వాట్సాప్‌ సందేశాల ద్వారా గాలం వేస్తున్నారు. తాజాగా వెలుగులోకి వచ్చిన ఈ వివరాలను పరిశీలిస్తే...

రాయలసీమలోనే ప్రముఖ వ్యాపారకేంద్రమైన ప్రొద్దుటూరు పట్టణం సిరినగరిలో హైటెక్‌ పద్ధతిలో జోరుగా వ్యభిచారం సాగుతోంది. విలాసవంతమైన ప్రాంతాలను టార్గెట్‌ చేసుకుని, కొందరు అక్కడ భవంతులను, సాధారణ గృహాలను, అపార్టుమెంట్లలో ఫ్లాట్లను అద్దెకు తీసుకుని వ్యభిచార దందాను గుట్టుచప్పుడు కానివ్వకుండా కొనసాగిస్తున్నారు. 

ఇందుకోసం అమ్మాయిలను ఇతర ప్రాంతాల నుంచి తీసుకొస్తున్నారు. వ్యభిచారగృహ నిర్వాహకులు మధ్యవర్తుల ద్వారా విచ్చలవిడిగా విటులను రప్పిస్తూ, అమ్మాయిల జీవితాలతో ఆడుకుంటున్నారు. విలాసవంతమైన జీవితం కోరుకునే యువతులను నిర్వాహకులు ట్రాప్‌ చేసి, మాయమాటలతో ప్రలోభపెట్టి వారి చేత వ్యభిచారం చేయించడం చేస్తున్నారు. అయితే, ఈ వ్యభిచార గృహాల నిర్వహణకు పోలీసులు కూడా తమవంతు సహకారం అందిస్తున్నట్టు సమాచారం. 

దీంతో పగటి పూట వ్యభిచారానికే నిర్వాహకులు ప్రాధాన్యం ఇస్తున్నట్లు తెలుస్తోంది. పోలీసుల దాడుల నేపధ్యంలో ఎవరికి ఎలాంటి అనుమానం రాకుండా హైటెక్‌ రీతిలో యువకులకు వాట్సప్‌ల ద్వారా యువతుల ఫొటోలను పంపి, ఆపై వారు కోరిన విధంగా కోరుకున్న చోటికి అమ్మాయిలను పంపిస్తున్నారు. లేకుంటే... తాము బాడుగకు తీసుకున్న ఇళ్లకు పిలిపించి, అక్కడే వ్యభిచారం నిర్వహిస్తున్నట్లు సమాచారం.