ప్రకాశం జిల్లాలోని ఒంగోలులో మందుబాబు హల్‌చల్ చేశాడు. తాగిన మైకంలో నడిరోడ్డుపై మద్యం బాటిల్‌తో తలకేసి కొట్టుకున్నాడు. తీవ్ర రక్తస్త్రావం అవుతున్నా రోడ్డుపై పోర్లాడుతూ రచ్చ రచ్చ చేశాడు. వివరాల్లోకి వెళితే.. మద్యం తాగిన వ్యక్తిని సమీపించారు.
పోలీసులు వారించినా వినలేదు ఆ మందుబాబు. నడిరోడ్డుపై పడుకుని తనను కొంతమంది కొట్టారంటూ నానా యాగీ చేశారు. ఎంత చెప్పినా వినకపోవడంతో చివరకు పోలీసులు అతన్ని బలవంతంగా అంబులెన్స్ ఎక్కించి ఆస్పత్రికి తరలించారు. ఈ ఘటన ఒంగోలు నగరంలోని నెల్లూరు బస్టాండ్ సెంటర్‌లో చోటు చేసుకుంది.
కాగా, ఓ బార్‌లో మద్యం తాగి గొడవపడుతున్నాడని బార్‌ సిబ్బంది యువకుడిని బయటకు పంపడంతో.. రోడ్డుపైకి వచ్చిన యువకుడు నానా బీభత్సం సృష్టించాడు. నడిరోడ్డుపై జరిగిన ఈ సంఘటనతో కొద్దిసేపు ఏం జరుగుతుందో తెలియక స్థానికులు ఆందోళనకు గురయ్యారు. పోలీసులు వచ్చి అతన్ని తీసుకెళ్లడంతో అంతా ఊపిరి పీల్చుకున్నారు.