భారీ కొండ కుప్పకూలిందంటే నమ్ముతారా.. ? ఎక్కడ?

hill

భారీ కొండ కుప్పకూలిందంటే నమ్ముతారా.. నమ్మితీరాల్సిందే. తుఫానో.. భూకంపం వచ్చిందో తెలియదు కానీ భారీ కొండ కుప్పకూలిపోయింది. భారీ శబ్దాలకు సమీప ప్రాంతాల్లో వ్యవసాయ పనుల్లో ఉన్న వారంతా ఒక్కసారిగా ఉలిక్కిపడ్డారు. 

వివరాల్లోకి వెళితే.. విశాఖపట్నం జిల్లా పెందుర్తి మండలం ఎస్‌ఆర్‌ పురం పంచాయతీ పరిధి దువ్వపాలెం క్వారీలో ఈ ఘటన జరిగింది. నిబంధనలకు విరుద్ధంగా క్వారీ తవ్వకాలు చేపట్టి, యంత్రాలతో తొలిచేయడంతోనే కొండచరియలు విరిగిపడ్డాయని స్థానికులు చెబుతున్నారు. 

కార్మికులు లేకపోవడంతో పెద్ద ప్రమాదమే తప్పిందని అంటున్నారు. దువ్వపాలెం సర్వే నంబరు 100లో 80 ఎకరాల మేర కొండ ఉంది. ఇక్కడ దశాబ్దాలుగా గ్రావెల్‌, రాయి తవ్వకాలు జరుగుతున్నాయి. అయితే అనుమతికి మించి అక్రమంగా తవ్వకాలు చేపట్టడాన్ని గుర్తించిన గనుల శాఖ గత ఏడాది నాలుగు క్వారీలకు రూ.46 కోట్లు అపరాధ రుసుం విధించింది. 

అయినా అక్రమార్కులు పట్టించుకోలేదు. దీంతో కొండచరియలు విరిగిపడటంతో పాటు కొండే కుప్పకూలింది.