టిక్ టాక్ స్టార్ ఫన్ బకెట్ భార్గవ్‌కు మళ్లీ సంకెళ్ళు పడ్డాయి. ఆయనకు మరోమారు కోర్టు రిమాండ్ విధించింది. అవకాశం ఇప్పిస్తానని చెప్పి మాయమాటలతో బాలికను లోబర్చుకుని అత్యాచారం చేసిన భార్గవ్‌పై పెందుర్తి పోలీసులు కేసు నమోదు చేశారు. ఈ కేసులో ఏప్రిల్ 18వ తేదీన అరెస్టు చేశారు.
అయితే ఈ కేసులో జూన్ 15న షరతులతో పోక్సో కోర్టు బెయిల్ మంజూరు చేసింది. బెయిల్‌పై బయటకు వచ్చాక షరతులతో కూడిన బెయిల్ నిబంధనలను భార్గవ్ ఉల్లంఘించాడు. దీంతో భార్గవ్‌పై దిశ ఏసీపీ ప్రేమ్ కాజల్ మెమో ఫైల్ చేశారు.
ఈ కేసు విచారణలో ఉండగా సాక్షులను ప్రభావితం చేసేలా భార్గవ్ ప్రకటనలు చేసినట్టు మెమోలో పొందుపరిచారు. దీంతో బెయిల్ రద్దు చేసిన పోక్సో కోర్టు ఈ నెల 11 వరకూ రిమాండ్ విధించింది. రిమాండ్‌‌లో భాగంగా ఫన్ బకెట్ భార్గవ్ చేతులకు సంకెళ్లు వేసిన సెంట్రల్ జైలుకు తరలించారు.