మార్చి నెలాఖరు నాటికి పూర్తి స్థాయిలో వాట్సాప్ సేవలు : నారా లోకేష్

ఆంధ్రప్రదేశ్ ప్రభుత్వం మార్చి నెలాఖరు నాటికి రాష్ట్ర ప్రజలకు సమగ్ర వాట్సాప్ పాలనను విస్తరించేందుకు కృషి చేస్తోంది. శుక్రవారం రియల్‌ టైమ్‌ గవర్నెన్స్‌ సొసైటీ (ఆర్‌టీజీఎస్‌)పై ముఖ్యమంత్రి చంద్రబాబు నాయుడు సమీక్ష సందర్భంగా ఐటీ శాఖ మంత్రి నారా లోకేశ్‌ ఈ విషయాన్ని వెల్లడించారు. 

నవంబర్ చివరి నాటికి 100 సేవలు అందుబాటులోకి వస్తాయని, మరో 90 రోజుల్లో విద్యార్థులు క్యూఆర్ (క్విక్ రెస్పాన్స్) కోడ్‌ల ద్వారా పత్రాలను పొందవచ్చని ఐటీ మంత్రి తెలిపారు. ఇందుకు అవసరమైన పనిని వేగంగా చేస్తున్నామని చెప్పారు. డిజిటల్ ఆమోదం ఉన్న పత్రాలను భౌతికంగా సమర్పించాల్సిన అవసరం లేదని వెల్లడించారు.

ఇదిలావుండగా, డేటా ఇంటిగ్రేషన్ పనులను వేగవంతం చేయాలని ముఖ్యమంత్రి అధికారులను ఆదేశించారు. రాష్ట్రంలోని ప్రతి నవజాత శిశువుకు ఆధార్ కార్డులు జారీ చేయాలని పిలుపునిచ్చారు. రాష్ట్రంలో ఆధార్ కార్డు లేని వారు ఎవరూ ఉండరాదన్నారు.