నారా దేవాన్ష్ బర్త్‌డే వేడుకలు : తిరుమల అన్నప్రసాదం ట్రస్టుకు విరాళం (వీడియో)

టీడీపీ అధినేత, ఆంద్రప్రదేశ్ ముఖ్యమంత్రి ఎన్.చంద్రబాబు నాయుడు మనుమడు నారా దేవాన్ష్ పుట్టినరోజు వేడుకలు బుధవారం జరిగాయి. ఈ వేడుకలను పురస్కరించుకుని చంద్రబాబు తన కుటుంబ సభ్యులతో కలిసి తిరుమల శ్రీనివాసుడు

టీడీపీ అధినేత, ఆంద్రప్రదేశ్ ముఖ్యమంత్రి ఎన్.చంద్రబాబు నాయుడు మనుమడు నారా దేవాన్ష్ పుట్టినరోజు వేడుకలు బుధవారం జరిగాయి. ఈ వేడుకలను పురస్కరించుకుని చంద్రబాబు తన కుటుంబ సభ్యులతో కలిసి తిరుమల శ్రీనివాసుడుని దర్శనం చేసుకున్నారు. చంద్రబాబు వెంట సినీ హీరో, హిందూపురం ఎమ్మెల్యే నందమూరి బాలకృష్ణ దంపతులు కూడా ఉన్నారు.

దేవాన్ష్ పుట్టినరోజు సందర్బంగా శ్రీవారిని దర్శించుకునేందుకు మంగళవారం సాయంత్రమే కుటుంబ సభ్యులతో కలిసి చంద్రబాబు తిరుమలకు చేరుకున్న విషయం తెల్సిందే. అనంతరం ఇక్కడి పద్మావతి అతిధిగృహంలో బసచేసి, బుధవారం ఉదయాన్నే శ్రీవారిని దర్శించుకుని స్వామివారి తీర్థప్రసాదాలు స్వీకరించారు.

కాగా, ముఖ్యమంత్రి చంద్రబాబు కుటుంబ సభ్యులకు తిరుమల తిరుపతి దేవస్థానం అధికారులు ఘనంగా స్వాగతం పలికి దర్శనం కల్పించారు. అలాగే తన మనుమడు దేవాన్ష్ పుట్టినరోజు సందర్భంగా చంద్రబాబునాయుడు తిరుమల అన్నప్రసాదం ట్రస్టుకు రూ.26 లక్షలను విరాళంగా ఇచ్చారు.