Ambati Rayudu: పవన్‌కు ఇష్టం లేకున్నా.. ఏపీకి సీఎంను చేస్తా: అంబటి రాయుడు

Pawan kalyan

ఆంధ్రప్రదేశ్ ఎన్నికల ప్రచారానికి ముందు జనసేనకు మద్దతు ఇచ్చిన వారిలో మాజీ జట్టు, భారత క్రికెటర్ అంబటి రాయుడు ఒకరు. వైసీపీ నుంచి జనసేనలోకి మారిన తర్వాత, ఆయన చాలా గట్టిగా మాట్లాడి పవన్ కళ్యాణ్ పార్టీకి మద్దతు ఇవ్వడం కొనసాగించారు.

కానీ కొన్ని నెలలు మౌనంగా ఉన్న రాయుడు ఎన్నికల తర్వాత తిరిగి తన రాజకీయాలపై కామెంట్లు చేయటం ప్రారంభించాడు. రాజకీయ పరిస్థితులు ఎలా ఉన్నా, పవన్ కళ్యాణ్‌ను ఆంధ్రప్రదేశ్ ముఖ్యమంత్రిని చేయడానికి తాను స్వయంగా కృషి చేస్తానని రాయుడు తన తాజా రాజకీయ ప్రకటనలో తెలిపారు.

"పవన్ కళ్యాణ్ ఏపీకి సీఎం అవుతారు. పవన్ కళ్యాణ్‌కు ముఖ్యమంత్రి కుర్చీ కోసం పోరాడటానికి తన శక్తి మేరకు ప్రతిదీ చేస్తాను" అని ఒక పాడ్‌కాస్టర్‌తో జరిగిన సంభాషణలో రాయుడు ఈ కామెంట్స్ చేశాడు. 

"పవన్ కళ్యాణ్ గారు ఆ ఐడియాలజీని చాలా బాగా ఇంప్లిమెంట్ చేశారు. ఆయన నాకు గొప్ప ఇన్స్పిరేషన్ అని తెలిపారు. అలాగే తనని కలిసి మాట్లాడినపుడు తన ఐడియాలజీ చాలా గొప్పదని తెలుసుకున్నాను అని తెలిపారు. పవన్ కల్యాణ్‌కు సీఎం అవ్వాలనే కోరిక లేకపోయినప్పటికీ ఆయన్ని సీఎం చేసేందుకు నేను డెఫినెట్‌గా చేయాల్సింది చేస్తాను" అంటూ సంచలన కామెంట్స్‌ చేయడం ఇపుడు సోషల్ మీడియాలో పవన్ ఫ్యాన్స్ నడుమ ఓ రేంజ్‌లో వైరల్‌గా మారాయి. 

అయితే రాష్ట్రానికి చంద్రబాబు లాంటి సీనియర్, అనుభవజ్ఞుడైన రాజకీయ నాయకుడు నిరంతరం కృషి చేయాలని కళ్యాణ్ స్వయంగా చెబుతున్నారు.