నిజంగా వీడో మానవమృగం. కామంతో కొట్టుమిట్టూడుతూ... పీకల వరకు మద్యం సేవించిన ఆ కామాంధుడు ఏకంగా 62 యేళ్ళ తల్లినే కోర్కె తీర్చమని వేధించాడు. ఆ మానవ మృగాన్ని అడ్డుకునేందుకు ప్రయత్నించిన సోదరిని సైతం పక్కకు
నిజంగా వీడో మానవమృగం. కామంతో కొట్టుమిట్టూడుతూ... పీకల వరకు మద్యం సేవించిన ఆ కామాంధుడు ఏకంగా 62 యేళ్ళ తల్లినే కోర్కె తీర్చమని వేధించాడు. ఆ మానవ మృగాన్ని అడ్డుకునేందుకు ప్రయత్నించిన సోదరిని సైతం పక్కకు నెట్టేశాడు. ఈ దారుణం హైదరాబాద్ నగరంలోని నేరెడ్‌మెట్ పోలీసు స్టేషన్ పరిధిలో మంగళవారం మధ్యాహ్నం చోటు చేసుకుంది.
ఈ వివరాలను పరిశీలిస్తే, రామకృష్ణాపురంలో నివాసం ఉంటున్న ఓ మహిళ(62)కు ముగ్గురు కూతుళ్లు, ఒక కుమారుడు ఉన్నారు. 47 ఏళ్ల కుమారుడు రవి చందర్.. ఆఫీసర్స్ కాలనీలో సెక్యూరిటీ గార్డుగా పని చేస్తున్నాడు. జులై 21న రాత్రి అతిగా మద్యం సేవించి వచ్చిన రవిచందర్ తల్లితో గొడవ పడి ఆమెను దారుణంగా కొట్టాడు. అసభ్యకర పదజాలంతో తల్లిని దూషిస్తూ లైంగికంగా వేధించాడు.
ఆ తర్వాత జులై 22వ తేదీ మధ్యాహ్నం.. పీకల దాకా మద్యం సేవించిన రవిచందర్ మరోసారి అదేవిధంగా ప్రవర్తించాడు. అడ్డుకోబోయిన సోదరిని పక్కకు నెట్టేశాడు. దీంతో ఆ మానవ మృగం నుంచి తప్పించుకున్న తల్లి.. నెరేడ్‌మెట్ పోలీసులకు ఫిర్యాదు చేసింది. కేసు నమోదు చేసుకున్న పోలీసులు.. రవిచందర్‌ను అరెస్టు చేసి రిమాండ్‌కు తరలించారు.