కొల్లేరు చెరువులోకి బుడమేరు నీరు.. ముంపులో 18 గ్రామాలు

కొల్లేరు చెరువులోకి బుడమేరు నీరు చేరడంతో పెదపాడు మండలంలోని పలు గ్రామాలు ముంపునకు గురయ్యాయని ఐజీ అశోక్‌కుమార్‌ తెలిపారు. పెదపాడు మండలంలో రాష్ట్ర డిజాస్టర్ రెస్క్యూ ఫోర్స్ సిబ్బందితో మాట్లాడిన ఐజీ.. లోతట్టు ప్రాంతాల ప్రజలను సురక్షిత ప్రాంతాలకు తరలించి పునరావాస కేంద్రాలకు తరలించేలా తగు సూచనలు, సలహాలు, సూచనలు చేశారు. 

పెదపాడు మండలంలో మూడు గ్రామాలు, ఏలూరు మండలంలో ఇప్పటి వరకు 18 గ్రామాలు ముంపునకు గురవుతున్నాయని దెందులూరు ఎమ్మెల్యే చింతమనేని ప్రభాకర్ ఐజీకి తెలిపారు. ఎగువ ప్రాంతాల్లో కురుస్తున్న భారీ నుంచి అతిభారీ వర్షాల కారణంగా కొల్లేరు పరివాహక ప్రాంతాల్లో బుడమేరు, ఇతర వాగులు పొంగిపొర్లాయని, దీంతో కృష్ణా, పశ్చిమగోదావరి, ఏలూరు జిల్లాల్లోని అన్ని ప్రాంతాలకు అధిక నీరు వచ్చి చేరిందని ఐజీ అశోక్‌కుమార్‌ తెలిపారు. 

లోతట్టు ప్రాంతాల్లో నివసించే ప్రజలను రెవెన్యూ సిబ్బందితో పునరావాస కేంద్రాలకు తరలించి ప్రజలకు అసౌకర్యం కలగకుండా కేంద్రాల్లో మౌలిక వసతులు కల్పిస్తున్నారు.