ఏపీఎస్ఎస్‌డీసీ ఆధ్వర్యంలో భారీ జాబ్ మేళా

ఆంధ్రప్రదేశ్ రాష్ట్ర ప్రభుత్వ నైపుణ్యాభివృద్ధి సంస్థ (ఏపీ స్టేట్ స్కిల్ డెవలప్‌మెంట్ కార్పొరేషన్ - ఏపీఎస్ఎస్‌డీసీ) ఆధ్వర్యంలో సోమవారం భారీ జాబ్ మేళాను నిర్వహించనుంది. ఉదయం 10 గంటల నుంచి సాయంత్రం వరకు జరుగనుంది. ఇందులో నోటిఫికేషన్‌లో భాగంగా, వరుణ్ మోటార్స్, మీషో, క్విస్ కార్పొరేషన్ లిమిటెడ్, డీమార్ట్ కంపెనీల్లో పలు ఉద్యోగాల పోస్టులను ఈ జాబ్ మేళా ద్వారా భర్తీ చేయనున్నారు. 

అయితే, డీమార్ట్‌లో క్యాషియర్, సేల్స్ అసోసియేట్, గోడౌన్ అసిస్టెంట్ పోస్టులను భర్తీ చేయనున్నారు. వీటికి దరఖాస్తు చేసుకునేవారు పది, ఇంటర్, డిగ్రీ విద్యార్థతలు కలిగివుండాలి. ఈ పోస్టులకు ఎంపికైన వారికి రూ.10,900 నుంచి రూ.11,500 వరకు వేతనం చెల్లించనున్నారు. అభ్యర్థులు విజయవాడ, గుంటూరు, ఒంగోలులలో పనిచేయాల్సి ఉంటుంది. 

అలాగే, వరుణ్ మోటార్స్‌లోని పలు విభాగాల్లో ఖాళీగా ఉన్న పోస్టులను భర్తీ చేయనున్నారు. ఈ పోస్టులకు టెన్త్, ఇంటర్, డిగ్రీ, డిప్లొమా మెకానికల్, ఆటోమొబైల్, ఏదేని డిగ్రీ చేసిన అభ్యర్థులు దరఖాస్తు చేసుకోవచ్చు. ఎంపికైన అభ్యర్థులకు రూ.8,500 నుంచి రూ.12 వేల వరకు వేతనం చెల్లిస్తారు. అభ్యర్థుల వయస్సు 18 నుంచి 29 యేళ్లలోపు ఉండాలి.