ఏపీ హై అలెర్ట్.. నాలుగు రోజులు వర్షాలే.. ఆ జిల్లాలు జాగ్రత్త

ఆగ్నేయ బంగాళాఖాతంలో సోమవారం ఏర్పడిన ప్రాంతం నెల్లూరు, ప్రకాశం, బాపట్ల, గుంటూరు, చిత్తూరు, కృష్ణా జిల్లాల్లో కొన్నిచోట్ల భారీ వర్షాలు కురిశాయి. రానున్న మూడు, నాలుగు రోజుల పాటు ఏపీలోని దక్షిణ కోస్తా, రాయలసీమ జిల్లాల్లో విస్తారంగా వర్షాలు కురిసే అవకాశం ఉందని ఐఎండీ అమరావతి నివేదిక తెలిపింది. 

అల్పపీడన ప్రాంతం పశ్చిమ-వాయువ్య-పశ్చిమ దిశగా కదులుతూ మంగళవారం నాటికి దక్షిణ బంగాళాఖాతంలోని మధ్య భాగాలపై అల్పపీడనంగా మారే అవకాశం ఉంది. ఆ తర్వాత రెండు రోజుల్లో పశ్చిమ-వాయువ్య దిశగా ఉత్తర తమిళనాడు, పుదుచ్చేరి, దక్షిణ ఆంధ్రప్రదేశ్ తీరాల వైపు వెళ్లే అవకాశం ఉంది.

ఈ మేరకు ఐఎండీ-అమరావతి శాస్త్రవేత్త ఎస్ కరుణ సాగర్ మాట్లాడుతూ, "దక్షిణ కోస్తా ఆంధ్రప్రదేశ్,  రాయలసీమ ప్రాంతాలు మరో రౌండ్ భారీ వర్షాలు కురిసే అవకాశం ఉంది. మంగళవారం తిరుపతి, నెల్లూరు, ప్రకాశం జిల్లాల్లో కొన్నిచోట్ల భారీ నుంచి అతిభారీ వర్షాలు, కృష్ణా, బాపట్ల, వైఎస్ఆర్ కడప, అన్నమయ్య, చిత్తూరు, శ్రీ సత్యసాయి జిల్లాల్లో పలుచోట్ల భారీ వర్షాలు కురిసే అవకాశం ఉంది.

బుధవారం నెల్లూరు, తిరుపతి, చిత్తూరు, అన్నమయ్య, వైఎస్ఆర్ కడప జిల్లాల్లో కొన్నిచోట్ల భారీ నుంచి అతిభారీ వర్షాలు కురుస్తాయని ఐఎండీ అంచనా వేసింది. ప్రకాశం, శ్రీ సత్యసాయి జిల్లాల్లో ఒకటి లేదా రెండు చోట్ల భారీ నుంచి అతి భారీ వర్షాలు కురిసే అవకాశం ఉందని, అదే రోజు అనంతపురం జిల్లాల్లోని కొన్ని ప్రాంతాల్లో భారీ వర్షాలు కురిసే అవకాశం ఉంది. గురువారం చిత్తూరు, అన్నమయ్య, శ్రీ సత్యసాయి, అనంతపురం జిల్లాల్లో కొన్నిచోట్ల భారీ వర్షాలు కురుస్తాయని, నెల్లూరు, తిరుపతి, కడప జిల్లాల్లో కొన్నిచోట్ల భారీ వర్షాలు కురుస్తాయని పేర్కొంది. 

సోమవారం జిల్లా కలెక్టర్లతో నిర్వహించిన టెలి మీట్‌లో ముఖ్యమంత్రి చంద్రబాబు నాయుడు హై అలర్ట్ ప్రకటించారు. రాష్ట్రంలోని 18 జిల్లాల్లో సాధారణం కంటే ఎక్కువ వర్షపాతం నమోదైందని, అయితే వర్షాలు కురుస్తున్న నేపథ్యంలో అధికారులు అలసత్వం వహించవద్దని నాయుడు సూచించారు. విశాఖపట్నంలో హోంమంత్రి వంగలపూడి అనిత అధికారులతో సమీక్షా సమావేశం నిర్వహించారు.