నవంబరు 1న శ్రీకాకుళంలో జరిగే కార్యక్రమంలో తెల్ల రేషన్ కార్డుదారులకు ఏడాదికి మూడు గ్యాస్ నింపే దీపం పథకాన్ని ముఖ్యమంత్రి నారా చంద్రబాబు నాయుడు ప్రారంభించనున్నారు. బుధవారం రాష్ట్ర సచివాలయంలో భారత్ పెట్రోలియం, హిందుస్థాన్ పెట్రోలియం, ఇండియన్ ఆయిల్ కార్పొరేషన్ వంటి గ్యాస్ కంపెనీల ప్రతినిధులకు సబ్సిడీ మొత్తాలను అందజేశారు.
అక్టోబర్ 29, మంగళవారం నుంచి ఉచిత గ్యాస్ బుకింగ్లు ప్రారంభమయ్యాయి. ఇప్పటి వరకు నాలుగు లక్షలకు పైగా బుకింగ్లు జరిగాయి. రాష్ట్ర ప్రభుత్వం ఎన్నికల సమయంలో ఇచ్చిన హామీ మేరకు అర్హులైన మహిళలందరికీ ఉచిత గ్యాస్ సరఫరా చేస్తుందని చంద్రబాబు ప్రకటించారు.
ఉచిత గ్యాస్ సరఫరా పథకానికి సంవత్సరానికి రూ.2,684 కోట్ల మొత్తం ఖర్చుకు రాష్ట్ర మంత్రివర్గం ఇటీవల ఆమోదం తెలిపింది. ప్రస్తుత నెల సబ్సిడీగా గ్యాస్ కంపెనీలకు రూ.894 కోట్ల చెక్కులను ముఖ్యమంత్రి అందజేశారు.
ఉచిత గ్యాస్ పథకం మంగళవారం నుంచి అమల్లోకి వచ్చింది. ప్రతి సిలిండర్కు కేంద్రం రూ.25 సబ్సిడీని మినహాయించి రూ.876 మొత్తాన్ని రాష్ట్రం ఇస్తుంది. ఈ మొత్తం 48 గంటల్లో లబ్ధిదారులందరి వ్యక్తిగత ఖాతాలో జమ చేయబడుతుంది.
మంగళవారం ఉదయం 10 గంటల నుంచి ఉచిత గ్యాస్ బుకింగ్లు ప్రారంభమయ్యాయని, 4 లక్షలకు పైగా బుకింగ్లు జరిగాయని పౌరసరఫరాల శాఖ మంత్రి నాదెండ్ల మనోహర్ తెలిపారు. రోజుకు 2.5 లక్షల బుకింగ్లను నిర్వహిస్తామని చమురు కంపెనీలు ప్రకటించాయి.
నవంబర్ 1న శ్రీకాకుళం జిల్లా ఇచ్చాపురంలో సీఎం చేతుల మీదుగా లబ్ధిదారులకు ఉచిత గ్యాస్ పంపిణీ చేయనున్నారు. వచ్చే విడత నుంచి ప్రభుత్వం లబ్ధిదారుల ఖాతాల్లోకి ముందస్తుగా నిధులు జమ చేస్తుంది. ఆర్థిక ఇబ్బందులు ఉన్నప్పటికీ ప్రభుత్వం ఈ పథకాన్ని అమలు చేయాలని నిర్ణయించింది.