విజయవాడలోని ఆంధ్రప్రభ కాలనీలో ఓ లేడీ ఈవెంట్ డ్యాన్సర్ ఉరి వేసుకుని ఆత్మహత్య చేసుకున్న ఘటన కలకలం రేపుతోంది. హైదరాబాద్ నుంచి సోమవారం నాడు విజయవాడలోని తన స్నేహితురాలి ఇంటికి వచ్చి అక్కడ ఆమె ఆత్మహత్య చేసుకుంది. పూర్తి వివరాలు ఇలా వున్నాయి. కాకినాడలోని తూరంగికి చెందిన వెంకటలక్ష్మి అనే యువతి ఈవెంట్ డ్యాన్సర్ గా పనిచేస్తోంది. ఆమె ఎక్కువగా హైదరాబాదులో జరిగే ఈవెంట్లకు వెళ్లి డ్యాన్స్ చేస్తుంటుంది.
ఐతే సోమవారం నాడు ఆమె హైదరాబాద్ నుంచి విజయవాడలోని ఆంధ్రప్రభ కాలనీలో వుంటున్న తన మరో ఈవెంట్ డాన్సర్ జ్యోతి ఇంటికి వచ్చింది. అదేరోజు ఆమె స్నేహితుడు శ్రావణ్ కూడా వచ్చాడు. ముగ్గురు కలిసి ఆరోజు రాత్రి మద్యం సేవించారు. మరుసటి రోజు ఉదయం శ్రావణ్ హైదరాబాద్ బయలుదేరి వెళ్లాడు. ఐతే వెంకటలక్ష్మి సోమవారం రాత్రి ఉరి వేసుకుని చనిపోయింది.
దీనితో సీసీ కెమేరాలను పరిశీలించగా... శ్రావణ్ వేకువజామున వెళ్లేటపుడు అతడిని వెంకటలక్ష్మి సాగనంపుతూ కనిపించింది. అతడు వెళ్లాక ఉరి వేసుకున్నట్లు పోలీసులు కనుగొన్నారు. ఆమె ఆత్మహత్యకు గల కారణాలు ఏమిటన్నది దర్యాప్తు చేస్తున్నారు. వెంకటలక్ష్మి స్నేహితురాలు జ్యోతితో పాటుగా శ్రావణ్ ని కూడా పోలీసులు అదుపులోకి తీసుకున్నారు.
