మునగాకుతో పచ్చడిని టేస్ట్ చేశారా?

మునగాకులో యాంటీ ఆక్సిడెంట్స్, విటమిన్లు, మినరల్స్ వున్నాయి. వీటిని సుధీర్ఘకాలంపాటు ఆహారంలో కలిపి తీసుకున్నట్టయితే మధుమేహం, గుండె సంబంధిత వ్యాధులు, ఎనీమియా, ఆర్థరైటిస్, లివర్ వ్యాధులు, చర్మ సంబంధ సమస్యలు, జీర్ణక్రియ సమస్యలు దరిచేరవు. అలాంటి మునగాకుతో పచ్చడి చేసుకుంటే.. వ్యాధినిరోధక శక్తిని పెంచుతుంది. 

కావలసిన పదార్థాలు :

లేత మునగాకు - 2 కప్పులు, 

చింతపండు, ఉప్పు - రుచికి సరిపడా, 

వెల్లుల్లి - 10 రెబ్బలు

కరివేపాకు - 4, రెబ్బలు,

ఆవాలు - ఒక టీ స్పూను, 

నూనె - ఒక టేబుల్‌ స్పూను, 

ఎండుమిర్చి, పచ్చిమిర్చి.

తయారీ విధానం : ముందుగా నూనెలో ఎండుమిర్చి, పోపు దినుసులు వేయించి కరివేపాకు, వెల్లుల్లి, పచ్చిమిర్చి ముక్కలు వేయాలి. అన్నీ వేగిన తర్వాత పక్కన పెట్టుకోవాలి. మరో పెద్ద బాణలిలో మునగాకు వేగించి ఉప్పు, చింతపండుగుజ్జు, పసుపు వేసి మూతపెట్టాలి. ఆకులు మగ్గిన తర్వాత దించేసి చల్లారనివ్వాలి. దీనిని పచ్చడిలా రుబ్బుకుని పోపు పెట్టుకోవాలి.