చాలామంది తరచు గృహ నిర్మాణాలు చేస్తుంటారు. కానీ, వాస్తుపరంగా చెయ్యరు. ఇలా చేయడం వలన పలురకాల ఇబ్బందులు ఎదుర్కోవలసి వస్తుందని పండితులు సూచిస్తున్నారు. వాస్తుపరంగా ఇంటిని నిర్మించడం వలన మానసిక ప్రశాంతత లభిస్తుంది. ఇంట్లో ఏవైనా ఇబ్బందులు తలెత్తినా వాస్తుపరమైన ఇబ్బందులో ముందుకు గుర్తుకొస్తాయి.
ఇంటిని నిర్మించే ముందు ముఖ ద్వారానికి ఎదురుగా ఎలాంటి గోడలు లేకుండా చూసుకోవాలి. ఇంటి నిర్మాణం కోసం ముందుగా స్థలానికి ఈశాన్య భాగంలో పునాదిని తవ్వాలి. ఈశాన్య భాగంలో పునాది తవ్వకం ప్రారంభిస్తే ఇంటి నిర్మాణ పనులు వేగంగా పూర్తవుతాయి. అనంతరం నైరుతి దిక్కును చదును చేసి పనులు ప్రారంభించుకోవాలి.
వాస్తు ప్రకారం ప్రహరి గోడకు చాలా ప్రాధాన్యం ఉంది. శాస్త్ర ప్రకారం నిర్మించిన ప్రహరీ గోడ అనేక దోషాలను తొలగిస్తుందని నిపుణులు చెబుతున్నారు. గృహం ఎక్కువ కాలం ఉండాలంటే ప్రహరి గోడలు తప్పనిసరిగా నిర్మించాలని వాస్తు నిపుణులు సూచిస్తున్నారు. ఇంటికి ఎదురుగా మరో ఇంటి పైకప్పు ఉండకపోవడం ఉత్తమం. ఇంటి స్థలానికి తూర్పు భాగంలో ఎలాంటి కట్టడం నిర్మించొద్దు.