రెండు కోట్ల వ్యూస్ మార్క్‌ను దాటేసిన ..'రావాలి జగన్‌ కావాలి జగన్‌'

సాధారణంగా సినీ హీరోల పాటలు మాత్రమే య్యూట్యూబ్‌లో మిలియన్ వ్యూస్ మార్క్‌ను అందుకుంటాయి. అలాంటిది ఓ రాజకీయ నాయకుడిపై రూపొందిన పాట యూట్యూబ్‌లో భారీ రికార్డులే సొంతం చేసుకుంది. సుదీర్ఘ పాదయాత్ర చేపట్టి జనం గుండెల్లో నిలిచిన వైసీపీ అధినేత వైఎస్‌ జగన్‌ మోహన్ రెడ్డి మీద రాసిన ఈ పాట ఇప్పుడు చిన్న పెద్ద అని తేడా లేకుండా ప్రతి ఒక్కరి నోటా వినిపిస్తోంది. 

రావాలి జగన్‌ కావాలి జగన్‌ అంటూ ప్రజల గుండెల్లో పాతుకుపోయిన ఈ పాట ఇప్పటివరకు యూట్యూబ్‌లో రెండు కోట్లకు పైగా వ్యూస్‌తో దుమ్మురేపుతోంది. ఈ ప్రచార గీతం విడుదలైన రోజు నుంచి తెగ వైరల్ అయ్యింది. తన రికార్డ్‌లను తానే తిరగరాసుకుంటూ ముందుకు దూసుకెళ్తోంది. తాజాగా యూట్యూబ్‌లో రావాలి జగన్‌ కావాలి జగన్‌ పాట 2కోట్లను క్రాస్‌ చేసేసింది.

మొత్తానికి ఎన్నికల వేళ విడుదల చేసిన ఈ పాట ప్రతిఒక్కరినీ మెప్పిస్తోంది. ప్రజల మనసు దోచుకున్న ఈ పాట ఎన్నికల్లో కూడా ప్రభావం చూపుతుందా లేదా అన్నది మాత్రం వేచి చూడాల్సిందే.