ట్విట్టర్‌లో #GautamRodeLastBdayCelebration ట్రెండింగ్...

బర్త్ డే... ఎవరైనా ఎంతో సంతోషంగా సెలబ్రేట్ చేసుకుంటారు. కానీ బాలీవుడ్ బుల్లితెర నటుడు గౌతమ్ రోడ్ తన ఇన్‌స్టాగ్రాంలో పోస్ట్ చేసిన ఓ వీడియో ఇప్పుడు నెట్లో వైరెల్‌గా మారింది. ఇంతకీ ఆ వీడియోలో ఆయన చెప్పినదేమిటంటే... త్వరలో తను పుట్టినరోజు సెలబ్రేట్ చేసుకోబోతున్నాననీ, ఐతే అదే తన ఆఖరి పుట్టినరోజు వేడుక కాబోతోందని షాక్ ఇచ్చాడు. ఐతే దీనికి కారణం ఏంటన్నది మాత్రం చెప్పలేదు. దీనితో ఈ వీడియోను అతడి అభిమానులు విపరీతంగా షేర్ చేస్తూ... #GautamRodeLastBdayCelebration కారణం మీకేమైనా తెలుసా అంటూ అడుగుతున్నారు. 

కాగా గౌతమ్ రోడ్ హోస్టుగా వ్యవహరిస్తుంటాడు. బా బహు ఔర్ బేబీ, లక్కీ, సర్వస్వతి చంద్ర అండ్ మహా కుంభ్ వంటి కార్యక్రమాలకు వ్యాఖ్యాతగా చేశాడు. 2002లో బాలీవుడ్ చిత్రం ద్వారా వెండితెర అరంగేట్రం చేశాడు. ఇతడికి 2018లో ఇటీవలే పెళ్లయింది. ఇతడి వయసు 41 సంవత్సరాలు. విషయం ఏంటంటే.. అతడి పుట్టినరోజు ఆగస్టు  14. ఈ నేపధ్యంలో అతడు పుట్టినరోజు సెలబ్రేషన్ అయిపోయాక ఈ వీడియో ఇప్పుడు ఎందుకు వైరల్‌గా ‌మారిందన్నది చూడాల్సిందే.