224 నియోజకవర్గాలున్న కర్ణాటకలో నేడు అసెంబ్లీ ఎన్నికలు జరుగుతున్నాయి. బుధవారం ఉదయం ఏడు గంటలకు ఓటింగ్ ప్రారంభం కావడంతో వివిధ పార్టీల నేతలు, ప్రముఖులు, సామాన్యులు ఓటు వేస్తున్నారు.
ఉదయం 9 గంటల వరకు 7.55 శాతం ఓట్లు నమోదయ్యాయి. ఈ క్రమంలో ఓ వధువు ఓటు వేసేందుకు పోలింగ్ బూత్‌లోకి ప్రవేశించింది.
చిక్కమగళూరు జిల్లా మూడికెరె అసెంబ్లీ నియోజకవర్గంలోని మాకోనహళ్లి ప్రాంతంలో మనకోళానికి చెందిన ఈ మహిళ పెళ్లి దుస్తులతో ఓటేయడం అక్కడున్న అధికారులను ఆకట్టుకుంది.