టీఆర్ఎస్ ఏపీలో, చంద్రబాబు తెలంగాణలో పోటీచేస్తే?: ప్రకాష్ రాజ్

ఏపీ సీఎం చంద్రబాబు నాయుడిని విలక్షణ నటుడు, జాతీయ అవార్డు గ్రహీత ప్రకాష్ రాజ్ కొనియాడారు. కానీ తెలంగాణ వచ్చిన ఏపీ సీఎం చంద్రబాబు 15 సీట్లతో సీఎం అవుతారా అని ప్రజలు ప్రశ్నించాలన్నారు. భవిష్యత్తులో ఇరు రాష్ట్రాల మధ్య వివాదం వస్తే ఎటువైపు మొగ్గుచూపుతారని అడగాలన్నారు. ఇక తనకు కాంగ్రెస్ అంటే ఇష్టమని, కర్ణాటక మాజీ సీఎం సిద్ధరామయ్య తన ఫేవరేట్ నాయకుడని ప్రకాశ్ రాజ్ పేర్కొన్నారు. 

తాజాగా ఓ ఇంటర్వ్యూలో ప్రకాష్ రాజ్ మాట్లాడుతూ.. ఎవరు ఎక్కడి నుంచైనా పోటీ చేయొచ్చు. కానీ టీఆర్ఎస్ వెళ్లి ఏపీలో, చంద్రబాబు తెలంగాణలో పోటీ చేయడంపై ఆలోచించాలన్నారు. తాను ఏ పార్టీకి చెందిన వ్యక్తి కాదన్ని స్పష్టం చేశారు. కేసీఆర్ చెప్పినట్లు ప్రాంతీయ పార్టీలను బలోపేతం చేసుకోవాల్సిన అవసరం వుందని ఎత్తిచూపారు.

తెలంగాణలో జరుగుతున్న ఎన్నికలు కబడ్డీ మ్యాచ్‌లు కావని.. కోట్లాదిమందికి ముఖ్యమైన ఎన్నికలని ప్రకాష్ రాజ్ గుర్తు చేశారు. ప్రస్తుత పరిస్థితుల్లో తెలంగాణకు కేసీఆర్ తప్ప మరో ప్రత్యామ్నాయం లేదన్నారు. కాంగ్రెస్, టీఆర్ఎస్, టీడీపీలతో సంబంధం లేకుండా ప్రజలు వాస్తవాలు తెలుసుకోవాలని సూచించారు. రాష్ట్రం గురించి ఆలోచించి ఓటేయాలని పిలుపునిచ్చారు.