త్వరలో భూమిని తాకనున్న సౌర తుఫాను : నాసా హెచ్చరిక

అమెరికా అంతరిక్ష పరిశోధనా సంస్థ (నాసా) ఓ హెచ్చరిక చేశింది. భయంకరమైన సౌర మంట (సోలార్ స్ట్రామ్) భూమిని తాకనుందని హెచ్చరించింది. నాసా చేసిన తాజా హెచ్చరికల ప్రకారం సూర్యుడి నుండి ఉద్భవించిన సౌర మంట భారీ సౌరు తుఫానుగా మారి ఏ క్షణమైన భూమిని తాకొచ్చని పేర్కొంది.  

దీనికి కారణాన్ని కూడా వివరించింది. ప్రతి 11 యేళ్లకు ఒకసారి సూర్యడు భ్రమణం గరిష్ట స్థాయికి చేరుకోవడంతో మరింత చురుకుగా ఉంటాడని అంచనా వేయగా, ఇది భూమికి భారీ సౌర మంటలు, భూ అయస్కాంత తుఫానులకు దారి తీస్తుందని, దీని వలన భూగోళంలోని కొన్ని ప్రాంతాలలో సంభావ్య బ్లాక్అవుట్, సేవలకు అంతరాయం కలిగించవచ్చని హెచ్చరించింది. 

నాసా జారీ చేసిన హెచ్చరిక ప్రకారం సోలార్ సైకిల్ 25 కారణంగా మరింత అస్థిరతను పొందేందుకు సిద్ధంగా ఉన్న సౌర మంటలు, భూమిపై కనిపించే అత్యంత శక్తివంతమైన పేలుడు సంఘటనలలో ఒకటి. ఇటీవల, సూర్యుని నుండి ఒక సౌర మంట ఉద్భవించి, భూమిని సౌర తుఫానుగా తాకనుంది. 

నాసా శాస్త్రవేత్తలు సూర్యుడు సోలార్ సైకిల్ 25 గుండా వెళుతున్నాడని, దీని అర్థం నక్షత్రం యొక్క కార్యాచరణ మరింత అస్థిరతను పొందగలదని, గరిష్ట స్థాయిని సాధించే వరకు పెరుగుతూనే ఉంటుందని, శాస్త్రవేత్తల ప్రకారం, సోలార్ సైకిల్ 25 డిసెంబర్ 25, 2021న ప్రారంభమైందని పేర్కొంది. 

2025లో సూర్యుని యొక్క 11-సంవత్సరాల కార్యాచరణ చక్రం యొక్క గరిష్ట స్థాయికి చేరుకునేటప్పుడు, కరోనల్ మాస్ ఎజెక్షన్స్ (సీఎంఈలు) అని పిలువబడే భారీ సౌర విస్ఫోటనాలు 2025లో మరింత తరచుగా జరుగుతాయి, అని అంతరిక్ష సంస్థ ఒక ట్వీట్‌లో రాసింది. 

నాసా తన బ్లాగ్‌లో వివరణ ఇస్తూ, "మరింత కార్యాచరణతో సౌర మంటలు, సౌర విస్ఫోటనాలు వంటి అంతరిక్ష వాతావరణ సంఘటనలు పెరుగుతాయి, ఇవి రేడియో కమ్యూనికేషన్‌లు, ఎలక్ట్రిక్ పవర్ గ్రిడ్‌లు, నావిగేషన్ సిగ్నల్‌లను ప్రభావితం చేస్తాయి, అలాగే అంతరిక్ష నౌకలు మరియు వ్యోమగాములకు ప్రమాదాలను కలిగిస్తాయని తెలిపింది. 

అసలు సోలార్ సైకిల్ 25 అంటే ఏమిటి?

ఇది 1755 నుండి 25వ సౌర చక్రం, సూర్యుని కార్యకలాపాలు గరిష్ట స్థాయికి చేరుకుంటాయి. ఇది డిసెంబర్ 2019లో 1.8 కనిష్ట సన్‌స్పాట్ సంఖ్యతో ప్రారంభమైంది. ఇది 2030 వరకు కొనసాగుతుందని అంచనా వేయబడింది, సన్‌స్పాట్ కార్యకలాపాలు అత్యధికంగా ఉంటాయి, అంటే మరిన్ని భూ అయస్కాంత తుఫానులు, సౌర మంటలు.

సౌర మంటలు వాటి తీవ్రతను బట్టి భూమిపై బ్లాక్‌అవుట్‌లను కలిగిస్తాయి. మధ్య-శ్రేణి సౌర తుఫాను జీపీఎస్, రేడియో సిస్టమ్‌లకు చిన్న బ్లాక్‌అవుట్‌లను కలిగిస్తుంది, అయితే భారీ తుఫానులు విద్యుత్ బ్లాక్‌అవుట్‌లకు కారణమవుతాయని తెలిపింది.