Vinay Narwal Last Video: భార్యతో వినయ్ నర్వాల్ చివరి వీడియో- నెట్టింట వైరల్

Vinay Narwal

జమ్మూ అండ్ కాశ్మీర్‌లోని పహల్గామ్‌లో మంగళవారం జరిగిన ఉగ్రవాద దాడిలో మరణించిన నేవీ అధికారి వినయ్ నర్వాల్ చివరి వీడియో నెట్టింట వైరల్ అవుతోంది. ఈ వీడియోలో నార్వాల్ తన భార్య హిమాన్షితో కలిసి పాకిస్తానీ పాటకు నృత్యం చేస్తున్నట్లు చూడవచ్చు. 18 సెకన్ల నిడివి గల ఈ వీడియోలో కొత్తగా పెళ్లయిన ఈ జంట ఒక అందమైన దృశ్యం నెటిజన్లను కట్టిపారేసింది. ఈ జంట ఏప్రిల్ 16న వివాహం చేసుకున్నారు. ఇది వినయ్ నర్వాల్ చివరి వీడియోగా మిగిలిపోయింది. 

ఇకపోతే.. ఢిల్లీలోని ఇందిరా గాంధీ అంతర్జాతీయ విమానాశ్రయంలో, లెఫ్టినెంట్ భార్య పహల్గామ్ ఉగ్రవాద దాడిలో మరణించిన తన భర్తకు కన్నీటితో వీడ్కోలు పలికింది. ఈ వీడియో కూడా నెట్టింట వైరల్ అవుతోంది. ఈ వీడియోలపై నెటిజన్లు రకరకాలుగా తమ అభిప్రాయాలను, సంతాపం వ్యక్తం చేస్తున్నారు. 

ఇదిలా ఉండగా, పహల్గామ్ ఉగ్రవాద దాడి జరిగిన ఒక రోజు తర్వాత, బుధవారం దక్షిణ కాశ్మీర్‌లోని కుల్గామ్‌లోని టాంగ్‌మార్గ్ ప్రాంతంలో ఉగ్రవాదులు, భద్రతా దళాల మధ్య ఎన్‌కౌంటర్ జరిగింది.