కొండ చిలువలకు మనుషులు దొరికారంటే.. వారిని దొరకబుచ్చుకుని కింద పడేసి చుట్టుకున్న సందర్భాలున్నాయి. ఇలాంటి ఘటనే మరొకటి తాజాగా వెలుగులోకి వచ్చింది. ఇందుకు సంబంధించిన వీడియో ఒకటి ఇప్పుడు సోషల్ మీడియాలో వైరల్‌గా మారింది.
ఓ ట్విట్టర్ యూజర్ షేర్ చేసిన వీడియోలో ఓ కొండ చిలువ ఒక వ్యక్తి కాళ్లను చుట్ట చుట్టుకుంది. దాని నుంచి విడిపించుకోలేక ఆ వ్యక్తి నానా ఇబ్బంది పడ్డాడు. అక్కడే ఉన్న మరో వ్యక్తి.. ఆ భారీ సర్పాన్ని పట్టి వెనక్కి లాగాడు. కానీ ఆ పాము మాత్రం ఆ వ్యక్తిని విడవలేదు.
అతికష్టం మీద పాము వెనక కొంత భాగాన్ని లాగిన మరో వ్యక్తి.. మొత్తం తొలగించేలోపే ఆ వీడియో ముగిసింది. చివరికి అతడికి ఏమైంది..? అనేది సస్పెన్స్ గానే మిగిలిపోయింది. కానీ ఈ వీడియో ట్విట్టర్‌లో వైరల్‌గా మారింది. ఇది చూసిన నెటిజన్లు.. భయపడుతున్న ఎమోజీలు పెడుతున్నారు. అయితే కొద్ది సేపటి తర్వాత ఈ వీడియోను ట్విట్టర్ డిలీట్ చేసింది. దానికి గల కారణాలు తెలియరాలేదు.