దేశానికి స్వాతంత్ర్యం వచ్చి 75 సంవత్సరాలు గడుస్తున్న తరుణంలో ఆజాదీ కా అమృత్ మహోత్సవ్ ఉత్సవాలను కేంద్రం ఘనంగా నిర్వహించేందుకు సన్నాహాలు పూర్తి చేస్తోంది. ఇందులో భాగంగా మువ్వన్నెల జెండాను ఇంటింటా ఎగురవేసేలా హర్ ఘర్ తిరంగా కార్యక్రమాన్ని చేపట్టింది.
ఈ నెల 13 నుంచి 15వ తేదీ వరకు దేశంలోని ప్రతి ఒక్కరూ తమ ఇంటిపై త్రివర్ణ పతాకాన్ని ఎగురవేయాలని ఇటీవల ప్రధాని మోదీ పిలుపు నిచ్చారు. ఈ కార్యక్రమాన్ని ప్రజల్లోకి తీసుకెళ్లేందుకు గాను హర్ ఘర్ తిరంగా ప్రత్యేక గీతాన్ని కేంద్ర సాంస్కృతిక శాఖ విడుదల చేసింది.
భారతీయ సంస్కృతి, సంప్రదాయాలు ఉట్టిపడుతూ అణువణువునా దేశభక్తి చాటేలా ఈ పాట వుంది. ఈ పాటలో బాలీవుడ్ నటుడు అమితాబ్తో పాటు ప్రభాస్, అక్షయ్ కుమార్, జాకీ ష్రాఫ్, వరుణ్ ధావన్, అనుపమ్ ఖేర్, అనుష్క శర్మ, కీర్తి సురేష్, హార్దిక్ పాండ్యా, విరాట్ కోహ్లీ, పీవీ సింధు తదితరులు హర్ ఘర్ తిరంగా పాట పాడారు. ఈ పాటను మీరూ ఓ లుక్కేయండి.