ట్విట్టర్ కొనుగోలు చేశాం... కోకాకోలా కంపెనీని కొనుగోలు చేస్తాం : ఎలామ్ మస్క్

ప్రపంచ కుబేరుడు ఎలాన్ మస్క్ మరో కంపెనీని గొనుగోలు చేసే దిశగా అడుగులు వేస్తుననారు. ఇప్పటికే ప్రముఖ సామాజిక మాధ్యమం ట్విట్టర్‌ను 44 బిలియన్ డాలర్లకు కొనుగోలు చేసిన ఆయన.. ఇపుడు ప్రముఖ శీతలపానీయ కంపెనీ కోకాకోలాను కొనుగోలు చేసే దిశగా అడుగులు వేస్తున్నారు. 

ఈ కంపెనీని కొనుగోలు చేసి ఇల్లీగల్ డ్రగ్‌గా పేరున్న కొకైన్‌ను కోకాకోలాకు తిరిగి చేరుస్తామని కూడా మస్క్ తన ట్వీట్‌లో పేర్కొనడం గమనార్హం. కోకాకోలా కూల్ డ్రింక్స్‌లో కోకా ఆకులు, కోలా గింజలు ఉన్న విషయం తెల్సిందే. 

అయితే, కోకా ఆకు నుంచి సైకోయాక్టివ్ డ్రగ్స్ కొకైన్ వస్తుంది. అప్పట్లో కోకాకోలా కూల్ డ్రింక్స్ అధికంగా కోకా ఆకుల మీదే ఆధారపడేది. అప్పట్లో కొకైన్‌ను ఓ ఔషధంగా పరిగణించినప్పటికీ చివరకు నిషేధిత జాబితాలో చేర్చారు. 

అమెరికా కూడా దానిని నిషేధించడంతో కోకాకోలా నుంచి కోకా ఆకులు దూరమయ్యాయి. వాటి స్థానంలో డికోకనైజ్డ్ కోకా ఆకులు వచ్చాయి. ఈ నేపథ్యంలో మస్క్ కోకాకోలాకు తిరిగి కొకైన్‌ను తీసుకొస్తామంటూ ట్విట్ చేయడం చర్చనీయంశంగా మారింది.