కరోనా టీకా తీసుకోవడం వల్లనే నటుడు వివేక్ చనిపోయారా? తమిళనాడు ప్రభుత్వం తేల్చాలి

ప్రముఖ తమిళ హస్య నటుడు వివేక్ హఠన్మరణంపై తమిళనాడులో తీవ్ర దిగ్భ్రాంతి నెలకొంది. టీకా తీసుకునే ముందువరకూ ఎంతో ఆరోగ్యంగా చలాకీగా కనిపించిన ఆయన, అందరూ టీకా తీసుకోవాలని కూడా సూచన చేశారు. ఐతే శుక్రవారం ఆయనకు గుండెపోటు రావడంతో చికిత్స తీసుకుంటూనే శనివారం నాడు కన్నుమూశారు.

వివేక్ మరణంపై తమిళనాడుకు చెందిన వీసికే పార్టీ చీఫ్, ఎంపి తిరుమావళవన్ చేసిన వ్యాఖ్యలు ఇప్పుడు హాట్ టాపిక్‌గా మారాయి. కోవిడ్ టీకా తీసుకున్న తర్వాత వివేక్ అపస్మారకంలోకి వెళ్లిపోయారంటూ జరుగుతున్న ప్రచారంపై ప్రజల్లో ఆందోళన నెలకొని వుందనీ, దీనిపై తమిళనాడు ప్రభుత్వం తక్షణం వివరణ ఇవ్వాలంటూ డిమాండ్ చేసారు.

వివేక్ మరణానికి వాస్తవ కారణాలు ఏమిటన్నది ప్రజలు తెలియాలని అన్నారాయన. కోవిడ్ వ్యాక్సిన్ తీసుకున్న కొద్దిరోజులకే వివేక్ మృతి చెందడం తనను దిగ్భ్రాంతికి గురి చేసిందంటూ ఆయన ఆవేదన వ్యక్తం చేసారు.