కరోనా వైరస్ కాలంలో మాస్క్ లేకుండా ప్రజలు బయటికి రావట్లేదు. ఎటు నుంచి కరోనా వైరస్ కాటేస్తుందనే భయంతో మాస్క్ తగిలించుకొని తిరుగుతున్నారు. అయితే, మాస్క్ తప్పనిసరిగా నోరు, ముక్కును కవర్ చేస్తుండాలి. అప్పుడే కరోనా బారి నుంచి బయటపడొచ్చు. కొంతమంది మాస్క్‌ను ముక్కు కిందకు వేలాడదీసి తిరుగుతుంటారు.
ఇలానే ఓ యువతి పార్క్‌లో హంసతో ఫోటో దిగేందుకు మాస్క్‌ను కిందకు తీసింది. అది గమనించిన ఆ కొంగ, మాస్క్‌ను లాగి ముక్కు మీదకు వేసింది. దీనికి సంబంధించిన చిన్న వీడియో సోషల్ మీడియాలో వైరల్ అవుతుంది.
కరోనా గురించి హంసకు కూడా తెలిసిందని, మాస్క్ సరిగా వేసుకోకుంటే కరోనా బారిన పడతారని చెప్పడం కోసం ఆ హంస అలా చేసినట్టు నెటిజన్లు కామెంట్స్ చేస్తున్నారు. ఈ ఘటన ఫ్రాన్స్‌లోని ఓ పార్కులో చోటుచేసుకుంది. ఇకపోతే.. ఫ్రాన్స్‌లో పదివేల కొత్త కోవిడ్ కేసులు నమోదైనాయి.