కేజీఎఫ్ 2 దేశవ్యాప్తంగా ప్రభంజనం కొనసాగుతోంది. ఇంకా అన్ని బాక్సాఫీసు రికార్డులను బ్రేక్ చేస్తోంది. దంగల్‌ను దాటేసింది. తాజాగా హిందీలో అత్యధిక వసూళ్లు సాధించిన మూడో చిత్రంగా 'కేజీఎఫ్ 2' నిలిచింది. ఇంతకుముందు టైగర్ జిందా హై, పీకే, సంజు చిత్రాలు అత్యధిక వసూళ్లు సాధించాయి.
ఈ నేపథ్యంలో కేజీఎఫ్ 2 శుక్రవారం రూ. 11.56 కోట్లు, శనివారం రూ. 18.25 కోట్లు, ఆదివారం రూ. 22.68 కోట్లు, సోమవారం రూ. 8.28 కోట్లు, మంగళవారం రూ. 7.48 కోట్లు, బుధవారం రూ. 6.25 కోట్లు కొల్లగొట్టింది. అంటే హిందీ వెర్షన్ మెుత్తం రూ. 343.13కోట్లు వసూళ్లు వచ్చాయి.
ఫలితంగా 11 రోజుల్లో బాక్సాఫీస్ వద్ద ట్రిపుల్ సెంచరీని సాధించింది. 2019 సంవత్సరం తర్వాత 300 కోట్లు వసూలు చేసిన మొదటి సినిమాగా నిలిచింది. అలాగే కేజీఎఫ్ 2 వసూళ్ల సునామీ పదిహేనవ రోజు కూడా కొనసాగుతుంది. ఈ సినిమా 15వ రోజు 10 కోట్లు రాబట్టింది.
సినిమా టోటల్ కలెక్షన్స్ గురించి మాట్లాడుకుంటే, ఈ సినిమా ఇండియాలో ఇప్పటివరకు 684.71 కోట్లు సాధించింది. ఈ చిత్రానికి ప్రశాంత్ నీల్ దర్శకత్వం వహించగా, విజయ్ కిరుగందూర్ నిర్మించారు. ఈ చిత్రంలో యష్, సంజయ్ దత్ , రవీనా టాండన్, శ్రీనిధి శెట్టి, బాలకృష్ణ, అనంత్ నాగ్, మాళవిక అవినాష్, శరణ్ శక్తి, అచ్యుత్ కుమార్ తదితరులు నటించారు.