ప్ర‌భాస్ కూడా కేజీఎఫ్ 2 సినిమా గురించి అద్భుతంగా స్పందించారు. యష్ ఎన‌ర్జీలెవ‌ల్‌ను ప్ర‌శంసించారు. బాహుబలి 1,2 సినిమాలు చేసిన‌ట్లుగానే ఇప్పుడు కెజి.ఎప్‌.1,2 చిత్రాలు వ‌చ్చాయి. కెజి.ఎఫ్‌.2కు వూహించ‌ని స‌క్సెస్ సాధించిపెట్టారు ప్రేక్ష‌కులు. దాంతో యష్ ఈ సినిమాపై స‌రికొత్త కామెంట్ చేశారు. నేడు క‌న్న‌డ టీవీకి ఇచ్చిన ఇంట‌ర్వ్యూలో కేజీఎఫ్ 3 చిత్రం కూడా వుంటుంద‌ని హిట్ ఇచ్చారు.
షూటింగ్ జ‌రిగిన‌ప్పుడు దర్శకుడు ప్రశాంత్‌తో చాలా సీన్స్ గురించి చర్చించాం. కొన్ని వ‌ర్క‌వుట్ కాలేదు. అవ‌న్నీ ఇప్ప‌టికీ హైలైట్ అవుతాయ‌నే న‌మ్మ‌క‌ముంది. అందుకే వాటిని మూడో పార్ట్‌లో పెడ‌తామ‌ని ఆలోచిస్తున్నాం. అయితే కేజీఎఫ్ 3 వ‌ర్క‌వుట్ కావ‌డానికి చాలా టైం ప‌డుతుంది. అది ఎప్పుడు ఏమిటి అనేది త్వ‌ర‌లో తెలియ‌జేస్తామ‌ని అన్నారు. ఇప్ప‌టికే ప్ర‌శాంత్ నీల్ బిజీ అయ్యాడు. ప్ర‌భాస్‌తో సినిమా చేబోతున్నాడు. మ‌రి ఆ సినిమా పూర్త‌య్యాక య‌ష్‌తో సినిమా వుంటుందేమో చూడాలి.
