మైగ్రేన్‌తో ఇబ్బంది పడుతున్న వరుణ్ భార్య రితిక

సినీ ఇండస్ట్రీలో తనకంటూ ప్రత్యేక గుర్తింపు ఉన్న నటుడు వరుణ్ సందేశ్‌. ప్రస్తుతం అతడికి అవకాశాలు రాక వెండితెరకు దూరంగా ఉంటున్నాడు. అయితే, సోషల్ మీడియాలో మాత్రం నిత్యం యాక్టివ్‌గా ఉంటాడు. 

హీరో వరుణ్ భార్య వితికా షేరూ కూడా సోషల్ మీడియాలో బాగా యాక్టివ్. ఆమె ఓ యూట్యూబ్ ఛానల్ కూడా నిర్వహిస్తోంది. సినిమాలకు దూరంగా ఉంటున్నా ఈ జంట ఆ మధ్య బిగ్‌బాస్‌లో కనిపించి అభిమానులను అలరించింది. ప్రస్తుతం ఆమె అనారోగ్యం బారిన పడినట్లు వెల్లడించింది.  తాను కొన్ని రోజులుగా స్పాండిలైటిస్, మైగ్రేన్‌తో బాధపడుతున్నట్టు ఆమె చెప్పుకొచ్చింది. 

దీంతో, అభిమానులు ఆందోళన వ్యక్తం చేస్తున్నారు. ఆమె త్వరగా కోలుకోవాలని భగవంతుడిని ప్రార్థిస్తున్నామంటూ కామెంట్స్ పెడుతున్నారు. 

మైగ్రేన్‌తో విపరీతమైన తలనొప్పి, వెన్నునొప్పి కలుగుతున్నాయని, ఫలితంగా ఏ పనీ చేయలేకపోతున్నానని పేర్కొంది. స్పాండిలైటిస్‌కు ఫిజియోథెరపీ చేయించుకుంటున్నట్టు తెలిపింది. నీడ్లింగ్ కూడా చేయించుకున్నట్లు తెలిపింది. 

తన బాధను అభిమానులతో పంచుకుంటూ కాస్త రిలీఫ్ పొందుతున్నానని వెల్లడించింది.