కలెక్టర్లు సాధారణంగా చాలా ఫంక్షన్లలో కనిపించరు. కానీ ఓ కలెక్టర్ భార్య మాత్రం.. తన టాలెంట్‌తో ఏకంగా సినీ సంగీత దర్శకుడితోనే మెప్పుపొందారు. ఇక ఆ కలెక్టర్ భార్య గాత్రానికి సదరు మ్యూజిక్ డైరెక్టర్ ఫిదా అయ్యారు. తన తదుపరి సినిమాలో పాట పాడే ఛాన్స్ ఇస్తానని హామీ ఇచ్చారు.
విశాఖ జిల్లా కలెక్టర్ వినయ చంద్ సతీసమేతంగా పాటలు పాడి విశాఖ ఉత్సవ్‌లో సందడి చేశారు. సంగీత దర్శకుడు తమన్ వారి టాలెంట్‌కు అబ్బురపడ్డారు. పాట పూర్తికాగానే ఆ కలెక్టర్ దంపతులను సత్కరించారు. ఇకపోతే.. రెండు రోజులు పాటు విశాఖ వాసులను అలరించిన విశాఖ ఉత్సవ్ ఘనంగా ముగిసింది. ఈ వేడుకను సీఎం ప్రారంభించారు. సుప్రసిద్ధ సంగీత దర్శకుడు తమన్ సంగీత విభావరితో ఉత్సవాలు ముగిశాయి.
ఇకపోతే.. దేవి శ్రీప్రసాద్, తమన్ సంగీత వీనుల విందు నడుమ ఉత్సవం సాగింది. సరిలేరు నీకు ఎవ్వరు ఆడియో లాంచ్, వెంకీ మామ చిత్ర ప్రమోషన్‌తో సినీ తారలు విశాఖ ఉత్సవ్‌లో తళుక్కుమనిపించారు. ఇదే వేదికపై సరిలేరు నీకెవ్వరూ చిత్ర ఆడియో లాంచ్ కూడా జరిగింది.