మెగాస్టార్ చిరంజీవి నటిస్తున్న 152వ చిత్రం 'సైరా నరసింహా రెడ్డి'. ఈ చిత్రాన్ని మెగా హీరో రామ్ చరణ్ నిర్మిస్తుంటే సురేందర్ రెడ్డి దర్శకత్వం వహిస్తున్నారు. ఈ చిత్రానికి సంబంధించి వివిధ పాత్రల ఫస్ట్ లుక్‌లతో పాటు.. టీజర్‌ను విడుదల చేస్తున్నారు.
తాజాగా ఈ చిత్రంలో తమిళ హీరో విజయ్ సేతుపతి రాజపాండిగా నటిస్తున్నారు. విజయ్ పుట్టిన రోజును పురస్కరించుకుని ఈ లుక్‌ను చిత్ర యూనిట్ విడుదల చేసింది. బుధవారం విజయ్ సేతుపతి పుట్టినరోజు సందర్భంగా సైరా సినిమాలోని ఆయన లుక్‌ను చిత్రయూనిట్ రిలీజ్‌ చేశారు.
ఈ సినిమాలో రాజాపాండి పాత్రలో విజయ్ సేతుపతి కనిపించనున్నాడు. సురేందర్ రెడ్డి దర్శకత్వంలో తెరకెక్కుతున్న ఈ సినిమాకు అమిత్‌ త్రివేది సంగీతమందిస్తున్నారు. నయనతార హీరోయిన్‌గా నటిస్తుండగా బాలీవుడ్ సూపర్ స్టార్ అమితాబ్ బచ్చన్, జగపతి బాబు, తమన్నా ఇతర కీలక పాత్రల్లో కనిపించనున్నారు.
కాగా, ఈ చిత్రాన్ని తొలి స్వాతంత్ర్య సమరయోధుడు 'ఉయ్యాలవాడ నరసింహారెడ్డి' కథతో తెరకెక్కిస్తున్నారు. ఈ చిత్రం తెలుగు, తమిళ, హిందీ భాషల్లో భారీ బడ్జెట్‌తో ఒకేసారి నిర్మిస్తున్నారు.