ఎన్టీఆర్ బయోపిక్.. బసవతారకం రోల్ కోసం.. డర్టీ పిక్చర్ హీరోయిన్?

తెలుగుదేశం పార్టీ వ్యవస్థాపకులు, సినీ నటుడు, మాజీ సీఎం, స్వర్గీయ నందమూరి తారకరామారావు బయోపిక్‌పై రోజుకో వార్త పుట్టుకొస్తోంది. నందమూరి అభిమానులంతా ఎప్పుడెప్పుడా అని ఎదురుచూస్తున్న ఎన్టీఆర్ బయోపిక్ త్వ

తెలుగుదేశం పార్టీ వ్యవస్థాపకులు, సినీ నటుడు, మాజీ సీఎం, స్వర్గీయ నందమూరి తారకరామారావు బయోపిక్‌పై రోజుకో వార్త పుట్టుకొస్తోంది. నందమూరి అభిమానులంతా ఎప్పుడెప్పుడా అని ఎదురుచూస్తున్న ఎన్టీఆర్ బయోపిక్ త్వరలోనే సెట్స్ పైకి రానుంది. ఎన్టీఆర్ బయోపిక్ కోసం తారల ఎంపిక జరుగుతోంది. 

ఈ నేపథ్యంలో స్వర్గీయ ఎన్టీఆర్ సతీమణిగా ఈ చిత్రంలో ఎవరు నటిస్తారనే దానిపై ఇంకా క్లారిటీ రాలేదు. ముందుగా బసవతారకం పాత్ర కోసం నిత్యామీనన్‌ను అనుకున్నారు. అయితే ఆమె ఆ ఛాన్సును నిరాకరించినట్లు తెలుస్తోంది. 

ప్రస్తుతం బసవతారకం పాత్రకు సిల్క్ స్మిత బయోపిక్‌ డర్టీపిక్చర్‌లో నటించిన బాలీవుడ్ హీరోయిన్ విద్యాబాలన్‌ను ఎంపిక చేసుకున్నట్లు ఫిలిమ్ నగర్ వర్గాల్లో జోరుగా చర్చ సాగుతోంది. ఇక ఎన్టీఆర్ బయోపిక్‌లో ఎన్టీఆర్‌గా బాలకృష్ణ నటిస్తుండగా, బసవతారకం రోల్ కోసం విద్యాబాలన్‌‌ను తేజ సంప్రదించినట్లు తెలుస్తోంది. సాయి కొర్రపాటి నిర్మిస్తోన్న ఈ సినిమాను, ఈ నెల 29వ తేదీన అట్టహాసంగా ప్రారంభించనున్నట్లు తెలుస్తోంది.