విక్ట‌రీ వెంక‌టేష్ - యువ స‌మ్రాట్ నాగ చైత‌న్య కాంబినేష‌న్‌లో రూపొందుతోన్న భారీ మ‌ల్టీస్టార‌ర్ వెంకీమామ. ఈ చిత్రానికి జై ల‌వ‌కుశ ఫేమ్ బాబీ ద‌ర్శ‌క‌త్వం వ‌హిస్తున్నారు. వెంకీ స‌ర‌స‌న పాయ‌ల్ రాజ్ ఫుట్, చైత‌న్య స‌ర‌స‌న రాశీ ఖ‌న్నా న‌టిస్తున్నారు. ప్ర‌స్తుతం పోస్ట్ ప్రొడ‌క్ష‌న్ వ‌ర్క్ జ‌రుపుకుంటోంది. ఇటీవ‌ల రిలీజ్ చేసిన సాంగ్స్ కి మంచి రెస్పాన్స్ వ‌చ్చింది.
అయితే... ఇప్ప‌టి వ‌ర‌కు సినిమా రిలీజ్ ఎప్పుడు అనేది అఫిషియ‌ల్‌గా ఎనౌన్స్ చేయ‌లేదు కానీ.. డిసెంబర్ 13న విడుద‌ల చేయ‌నున్న‌ట్టు వార్తలు వ‌స్తున్నాయి. ఇక ప్రీ రిలీజ్ ఈవెంట్‌ను డిసెంబర్ 1న గ్రాండ్‌గా వ‌రంగ‌ల్‌లో చేయాల‌నుకుంటున్నార‌ని తెలిసింది. మేన‌మామ, మేన‌ల్లుడు క‌లిసి న‌టించిన ఈ ప్రాజెక్ట్ పై భారీ అంచ‌నాలు ఉన్నాయి.
సురేష్ ప్రొడ‌క్ష‌న్స్, పీపుల్ మీడియా ఫ్యాక్ట‌రీ సంయుక్తంగా ఈ సినిమాని నిర్మించాయి. ఎస్.ఎస్.త‌మ‌న్ సంగీతాన్ని అందించారు. అక్కినేని అభిమానులు - ద‌గ్గుబాటి అభిమానులు ఎప్పుడెప్పుడా అని ఆస‌క్తితో ఎదురు చూస్తోన్న వెంకీ మామ ఏ స్ధాయి విజ‌యాన్ని సాధిస్తుందో...? ఎలాంటి రికార్డులు క్రియేట్ చేస్తుందో ..?