Select Your Language

Notifications

webdunia
webdunia
webdunia
webdunia

చైతు బర్త్ డే సందర్భంగా శేఖర్ కమ్ముల ఆ పని చేయబోతున్నాడు

చైతు బర్త్ డే సందర్భంగా శేఖర్ కమ్ముల ఆ పని చేయబోతున్నాడు
, శుక్రవారం, 22 నవంబరు 2019 (13:45 IST)
హీరో నాగ చైతన్య, సాయి పల్లవి జంటగా శేఖర్ కమ్ముల డైరెక్షన్లో తెరకెక్కుతున్న కొత్త సినిమా నుండి హీరో చైతు లుక్ విడుదలైంది. ఈ పోస్టర్లో సూపర్ కూల్ లుక్‌లో నాగ చైతన్య ఉల్లాసంగా కనిపిస్తున్నాడు. చైతు బర్త్డే సందర్భంగా నవంబర్ 23న ఉదయం 10.30 నిమిషాలకు హీరో క్యారెక్టర్ని పరిచయం చేసే ఓ వీడియోను రిలీజ్ చేయబోతున్నారు మేకర్స్.
 
సహజత్వం నింపుకొని ఉన్న పాత్రలతో అందమైన కథలను తెర మీదకు తెచ్చే శేఖర్ కమ్ముల ఈ ప్రేమ కథను మరింత హృద్యంగా మలుచుతున్నాడు. నాగ చైతన్య లుక్ విషయంలో మరింత కేర్ తీసుకుంటున్నారు డైరెక్టర్. తన ప్రపంచంలోకి ఆయన బర్త్ డే సందర్భంగా మనల్ని అహ్వానిస్తున్నాడు చైతు. అక్కినేని అభిమానులకు, సినిమా అభిమానులకు కొత్త ఎక్స్‌పీరియన్స్‌గా ఉండబోతుంది ఆ వీడియో. 
 
ఏమిగోస్ క్రియేషన్స్ సమర్పణలో శ్రీ వెంకటేశ్వర సినిమాస్ ఎల్ఎల్పి బ్యానర్ పైన నారాయణ్ దాస్ కె నారంగ్, పి రామ్మోహన్ రావు ఈ సినిమాను నిర్మిస్తున్నారు. నాగచైతన్య సాయిపల్లవి హీరోహీరోయిన్లుగా నటిస్తున్న ఈ మూవీలో రాజీవ్ కనకాల, ఈశ్వరీ రావు, దేవయాని ఇతర ముఖ్య పాత్రలు పోషిస్తున్నారు. ఈ చిత్రానికి ఆర్ట్: రాజీవ్ నాయర్, కెమెరా: విజయ్ సి కుమార్, 
మ్యూజిక్: పవన్, సహనిర్మాత: విజయ్ భాస్కర్, పి.ఆర్.వో -జి.ఎస్.కె మీడియా, నిర్మాతలు: నారాయణ్ దాస్ కె నారంగ్, పి రామ్మోహన్ రావు, రచన-దర్శకత్వం: శేఖర్ కమ్ముల.

Share this Story:

Follow Webdunia telugu

తర్వాతి కథనం

సగం వాస్తవం, సగం కల్పితం "జార్జ్‌రెడ్డి'' రివ్యూ రిపోర్ట్