ఆదివారంనాడు తెలుగు సినీ డైరెక్టర్స్ అసోసియేషన్ ఎన్నికలు జరిగాయి. వి. సముద్ర పోటీ ప్యానల్ నిలబడింది. అందులో జాయింట్ సెక్రటరీగా వున్న కస్తూరి శీను మాత్రమే గెలుపొందడం విశేషం. ఇక వీరశంకర్ ప్యానల్ లో అధ్యక్షునిగా ఎన్నికయ్యారు. ప్రధాన కార్యదర్శిగా సుబ్బారెడ్డి, కోశాధికారిగా టి.వి.రామారావు, వైస్ ప్రెసిడెంట్ గా సాయి రాజేష్, వశిష్ట, జాయింట్ సెక్రటరీలుగా రమేష్, కస్తూరి శీను, ఆర్గనైజింగ్ సెక్రటరీలుగా డి. వంశీ క్రుష్ణ, ప్రియదర్శి ఎంపికయ్యారు.
ఈ సందర్భంగా వీర శంకర్ మాట్లాడుతూ, గతంలో ఇచ్చిన హామీలన్నీ నెరవేరుస్తాము. ఇంతకుముందు అధ్యక్షునిగా 24 క్రాఫ్ట్ లకు చెందిన ఫెడరేషన్ లో పలు సాంకేతిక సమస్యలను పరిష్కరించాం. దర్శకులకు గుర్తింపు తెచ్చేలా వారి క్రియేటివిటీకి దోహదపడేలా పలు వర్క్ షాప్ లు నిర్వహిస్తామనీ, పేద దర్శకులకు అందాల్సిన పలు రాయితీలు వచ్చేలా చూస్తామని హామీ ఇచ్చారు.